“Бавария” ярим ҳимоячиси: “Мавсумдаги энг ёмон ўйинимиз. Бахтимизга бу Бундеслигада рўй берди”

“Бугун мавсумдаги энг ёмон ўйинимизни ўтказдик. Ғалаба қозонишимиз учун талаб қилинадиган барча жиҳатлар етишмади. Мавсум давомида бу каби ҳолат бир марта содир бўлса, шундай бўлақолсин, аммо ўхшаш вазият “Боруссия М” билан учрашувда ҳам юз берганди, шу туфайли эҳтиёт бўлишимиз керак.

Бундай кайфият, бундай фикрлаш билан тактика ёки ўйин режасида ҳақида гапиришдан маъно йўқ. “Бавария” менталитети шундайми, дея ўзимизга савол беришимиз лозим. Бу тез-тез содир бўлмоқда, олдин “Бавария”да бундай ҳолатларни ҳеч қачон кўрмагандим.

Бахтимизга, бу Бундеслигада содир бўлди ва ҳали ҳамон 9 очко олдиндамиз. Бироқ, кейинги ҳафта ЕЧЛда ўйнаймиз. Бу бошқа такрорланмаслиги керак. Нима бўлгандан ҳам мағлубиятга лойиқ бўлганимизни тан олишимиз лозим”, дейди Киммих.