Бартомеу: "Барса" Неймар трансферидан тушган пулни таркибни кучайтиришга ишлатади"

"Ҳар йили катта муваффақиятларга эришадиган рақобатбардош жамоага эга бўлишни истаймиз. Баъзи мавсумларда бунинг уддасидан чиқамиз, баъзида эса йўқ. Аммо доимо энг яхши бўлишга интилганмиз.

Неймар қолишини хоҳлаймиз, бироқ товон пули мавжуд. Агар у кетишни истаса, пул тўланади ва у жамоани тарк этади. Мен Неймар билан суҳбатлашдимми? Йўқ. Испанияга қайтсам, у билан гаплашиб оламан. Унинг трансферидан тушган пулларни, жамоа таркибини кучайтиришга сарфлаймиз.

Неймар трансферини амалга ошириш учун шартномада белгиланган пулни тўлаш лозим. УЕФАда фэйр-плей деган қоида бор ва агар қайсидир клуб қоидани бузса, унга санкциялар жорий қилинади. "Барселона" даромад борасида дунёнинг биринчи ёки иккинчи клуби ҳисобланади - 800 млн. евро. Бу клубга ривожланишда ёрдам беради.

Коутиньо Неймар ўрнига жамоага келадими? Филиппе ажойиб футболчи, бироқ бу борада ҳеч нарса дея олаймиз. Бундай вазиятда эҳтиёт бўлиш керак" - дейди Бартомеу.