"Барселона" ярим ҳимоячиси Пуч "Фиорентина" билан музокаралар олиб бормоқда

22 ёшли ярим ҳимоячи ва "Фиорентина" ўртасидаги музокаралар юқори босқичда, аммо клублар ҳали ўйинчи итальян жамоасига қандай мақомда ўтишини ҳал қилиши керак.

Пучнинг "Барселона" билан шартнома борасидаги вазияти ҳаммасини мураккаблаштирмоқда. Унинг "Барса" билан шартномаси келаси ёзда якунига етади, бу эса Каталония клуби бир йилдан сўнг текинга йўқотмаслик учун ижарани эмас, ўйинчини сотишни афзал кўришини англатади.

"Барселона" бош мураббийи Хавининг режаларига кирмаётган Пучга шунингдек "Лацио", "Валенсия" ва "Бенфика" қизиқмоқда.