Азиз Ғаниев: "Ажойиб ўйин кўрсатиб мухлисларни хурсанд қилмоқчимиз"

Миллий жамоамизнинг кечаги машғулоти аввалида ярим ҳимоячи Азиз Ғаниев фикрлари билан ўртоқлашди.

"Бошида дастлаб кўникиш қийин бўлди. Кейинчалик секин аста жамоага мослашиб мураббийнинг ишончини қозонишга ҳаракат қилдим. Асосий таркибда ҳаракат қилмоқдаман, ҳаммаси яхши. Чемпионат баҳслари ҳам бошланди.  Ўйиндан олдин машғулотларда жарима зарбаларини амалга ошириш учун  2-3 та футболчилар уриниб кўради. Менда бу ўхшаётганлиги учун мураббий жарималарни тепишимни айтди. 

Ироқ терма жамоаси ҳам яхши жамоа. Уларнинг ўйинларини кўриб кучли ва кучсиз томонларини ўрганиб чиқдик. Ажойиб ўйин кўрсатиб мухлисларни хурсанд қилмоқчимиз. 

Бош мураббий қайси жойга қўйса ўша ерда тўп тепишга ҳаракат қиламан. Ўзим учун эса марказда ҳаракат қилиш қулай",- дейди Азиз Ғаниев ЎФА матбуот хизматига.

Эслатиб ўтамиз, Ироқ - Ўзбекистон учрашуви 17 ноябрь куни Тошкент вақти билан соат 19:00да бошланади.