UZ

Сўнгги янгиликлар

09:31Европанинг ТОП клублари қизиққан футболчи фаолиятини Саудия жамоасида давом эттиради  0 09:00"Олтин тўп"га асосий даъвогар футболчи жароҳат олди  0 08:32Яна бир терма жамоа ЖЧ йўлланмасини қўлга киритди  4 08:03Валерий Кичин: "Ҳалол ўйин бўлишини истардим"  18 07:36Ўзбекистон Қирғиз Республикасига ҳеч қандай имконият қолдирмаган учрашувдан ФОТОГАЛEРEЯ  2 02:00Месси фаолияти ҳақида: "Бунинг якуни яқинлашиб келмоқда"  2 01:45ЖЧ-2026 саралаши. Гаттузонинг дебютида Италиядан йирик, Франциядан ишончли ғалаба ва бошқа натижалар  2 01:19ОКМК назорат ўйинида Про-лига жамоасини икки марта мағлуб қила олмади  0 00:58Урмат Абдукаимов: "Ҳакамларнинг қарорлари футболчиларнинг фаолиятига катта таъсир ўтказади. Ҳакамлар ҳам шуни билиши ва ҳис қилиши керак"  8 00:47"Навбаҳор" ўртоқлик ўйинида "Нефтчи"ни мағлуб этди  7 00:23Лаутаро ЕЧЛ финалидаги мағлубият ҳақида: "5 кун гапира олмаганман"  1 23:45Лотар Маттеус: "Германия жуда ёмон ўйнади. Ҳисоб 5:0 бўлиб кетиши ҳам мумкин эди"  1 23:24Тимур Кападзе: "Жаҳон чемпионати учун аниқ режа? Барчаси ҳал бўлгунча кутиш керак"  37 22:55"Барселона" Ромеу клубдан кетганини маълум қилди  0 22:36"Реал" мухлислари жамоанинг август ойидаги энг яхши футболчисини танлаб олди  0

Артём Петросян: "Олимпик"да салоҳият юқори. Ўйинлар қанча кўп бўлса, шунча яхши" Янгиликлар

Артём Петросян: "Олимпик"да салоҳият юқори. Ўйинлар қанча кўп бўлса, шунча яхши"

"Олимпик" - "Локомотив" учрашувидан сўнг (0:2) мезбонлар бош мураббийи Артём Петросян матбуот анжуманида иштирок этди.

- Ўйин бўйича барибир тажриба ўз сўзини айтди. Иккита вазият яратишди ва иккаласидан ҳам фойдаланишди. Бизнинг йигитлар учрашувда яхши ҳаракат қилишди. Бир неча вазиятлар бўлди, лекин голга айлантира олмадик. Яна бир бор такрорлайман, тажриба ўз сўзини айтди.


- Нима деб ўйлайсиз? "Локомотив" бугун бор кучи билан ўйнадими?

- Мен "Локомотив" футболчиларини ўйиндан кейин кўрдим, фикримча улар 100 фоиз чарчоқ ҳолатида, менимча. Улар максимал тарзда ҳаракат қилишди. Лекин, бу саволни мендан эмас, рақиб футболчиларидан сўрашингиз керак. Бу бироз провокацион савол. Рақиблар мураббийи Мирко Еличич бир неча йилдан бери Ўзбекистонда фаолият олиб бормоқда ва ўзидан яхши таассурот қолдирган. 


- "Олимпик"да биринчи даврада ҳам шундай муаммо бор эди: кўп вазият яратилади, лекин ҳужумни якунлашда қийинчиликка дуч келинади. Бугун ҳам шундай ҳолат кўзга ташланди. Дастлабки дақиқаларда ҳам жамоа голли вазиятлар яратди. Лекин гол бўлмади. Бу нима билан боғлиқ? 

- Энг қийини гол уриш. Бу нафақат "Олимпик"да, балки бутун дунёда бу муаммо бор. Нима деб ўйлайсиз, биргина вазиятдан гол уриб кета оладиган ҳужумчилар бутун дунё бўйича нечта? Жуда кам. Бундай ҳужумчиларнинг нархи 100 миллион доллардан кўп. 

Энг муҳими вазият бўлмоқда. Вазият ярата олмаганимизда бошқа масала эди. Бу борада ишлаймиз. Якуний зарба бўйича ҳар бир машғулотда ишлаяпмиз. 

- Ҳозир футболимизда жамоани ёшартириш тенденцияси бор. Майдонда барибир тажриба энг муҳими эмасми? Йигитларга йўл-йўриқ кўрсатиш дегандек...

- Мураббийлар паспортга қарамаслиги керак. 35 ёшми, 40 ёшми... Агар юкламаларга тайёр бўлса, ўйнайвергани маъқул. 

Бугун масалан 40 ёшли Анзур Исмоилов самарали ҳаракат кўрсатди. Битта тўп ошириш ва бош билан гол. Шундан сўнг жамоа хотиржам ҳаракат қила бошлади. Ҳисоб 1:0 бўлиб турганида эса, ўйин якуни "Локомотив" учун асабий кечиши мумкин эди. Исмоилов, Арвеладзе... Ўйнашяптику. Футболчи мураббий талабларини бажаряптими, ўйнайверсин. 


- "Олимпик"ка шундай футболчи керак деб ҳисоблайсизми ёки жамоанинг йўли бошқами?

- Жамоамизнинг йўли бошқа. Биз ёш футболчиларни Суперлига даражасига олиб чиқиш ва уларга трамплин вазифасини бажаришни мақсад қилганмиз. 

- Бугун "Олимпик" жамоаси ўз салоҳиятининг неча фоизини кўрсата олди деб ўйлайсиз?

- Жамоада иш бошлаганимга 1 ой бўлди. Таркибимизга 4 нафар янги футболчи келиб қўшилган. Фикримча, жамоамизда салоҳият юқори. Балки, 50 фоиздир. Барчаси йигитларнинг ўзига боғлиқ. Агар ҳар бир футболчи оз-оздан қўшиб борса, бутун жамоа ўсади. 


- Пролигада ўйинлар сони кам. Йигитларни тонусда ушлаб туриш қай даражада қийин?

- Биз нима қила оламиз? Албатта қанча кўп ўйин бўлса, шунча яхши. Бу савол менга эмас. Футболчида қанча кўп ўйин бўлса, шунча ривожланиш бўлади. Машғулотдан кўра, ўйинлар сони кўп бўлса, қизиқиш ошади, футболчиларнинг савияси ҳам ошади. 

Рейтинг: +1   

Фикрлар

   
13 авг 22:46:02
Abdusalom Mirzayev
Бу армани қаердан келди, ўзимизда ёш мураббийлар кўп бўлса, Олимпикдан натижа сўралмаётган бўлса, ўзга мураббий нега керак?
championat.asia
< сўнгги янгиликларни кўриш
Яндекс.Метрика