Артета: "Эдегорнинг меҳнаткашлигидан ҳайратдаман"

"Арсенал" бош мураббийи Микель Артета Европа Лигаси 1/8 финалининг "Олимпиакос"га қарши жавоб ўйини (биринчи ўйин – 3:1) олдидан ўз фикрларини билдирди.

“Таркибга кириш учун энг юқори савияда ўйнаш керак. Обамеянг ҳам бундан мустасно эмас. Биз энг рақобатбардош жамоани тузиб, яна ғалаба қозонишга ҳаракат қиламиз.

Ўша куни Обамеянг билан гаплашиб олдик, ҳаммаси ижобий ҳал қилинди ва биз олға юришда давом этамиз.

Эдегор биз нимага интилаётганимизни тўлиқ тушунмоқда. Унинг меҳнаткашлагидан ҳайратдаман, у ҳозирда рақиб жарима майдончасига қандай қилиб кириб бориш ва уларнинг дарвозаси яқинида янада қатъийроқ ўйнаш устида ишламоқда – у ҳали бу борада кучая олади.

У рақиблар учун доимо хавф-хатарни туғдиради ва агар мавжуд вазиятлардан тўғри фойдалана олса, мукаммал футболчига айланади", – деди Артета BBC билан суҳбатда.

Олдинроқ "Арсенал" Эдегорни "Реал"дан тўла сотиб олишга тайёрлиги ҳақида хабар берилган эди.