"Арсенал" спорт директори: "Артетага кўпроқ вақт бериш керак"

Лондоннинг "Арсенал" клуби спорт директори Эду жамоанинг ушбу мавсумдаги омадсизликлари ҳақида гапирди.

"Мухлислар "Арсенал"ни ҳали тўлиқ таркибда кўришга улгуришмади. Биз фанатларимиз биз қилаётган ишларни нафақат ҳаридлар орқали, балки кенгроқ кўламда ҳам сезишларини истардик. Ушбу ёзда биз 23 ёшгача бўлган 6 та ўйинчи билан шартнома имзоладик. Мухлислардан бироз сабрлироқ бўлишларини илтимос қилардим. Артета кучли таркиб шакллантириши учун унга кўпроқ вақт берилиши керак", -дейди Эду.

Эслатиб ўтамиз, "Арсенал" бу мавсумда АПЛдаги дастлабки учта учрашувнинг барчасида мағлубиятга учради.