"Арсенал" собиқ ҳимоячиси фаолиятини якунлади
16 авг 2022 20:51
Янгиликлар

"Арсенал" собиқ ҳимоячиси фаолиятини якунлади

Испаниялик ўйинчи Начо Монреаль катта футболни тарк этди.

Памплоналик 36 ёшли футболчи профессионал футболдаги фаолиятини якунлаганини эълон қилди. Монреаль аввалроқ 2019 йилдан бери ўйнаб келган "Реал Сосьедад" клубини эркин агент сифатида тарк этганди.

Ҳимоячи ўзининг энг яхши йилларини Лондоннинг "Арсенал" жамоасида ўтказди ва уч марта Англия Кубогини қўлга киритди. Начо "канонирлар" сафига 2013 йилнинг қишида келиб қўшилган ва жамоа сафида барча мусобақаларда 251 та ўйинда майдонга тушган.

Монреаль ўтган мавсум Испания чемпионати ўйинларида "Реал Сосьедад" учун битта гол урган ва битта голли узатмани амалга оширган. Клуб ҳимоячи билан шартномани узайтирмади.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: +3