АПЛ. "Челси" МЮга тўртта гол урди

Ўйиннинг 30-сониясида Маркос Алонсонинг ажойиб пасидан сўнг Педро учрашувдаги ҳисобни очди - 1:0. Ҳали мухлислар ўз жойларига ўрнашиб олишмаганди ҳам. Учрашувнинг 21-дақиқасида мезбонлар иккинчи бор гол уришди. Бурчак тўпидан сўнг Гари Кэйхилл Де Хеа қўриқлаётган дарвозани ишғол қилди - 2:0. 

Баҳснинг 61-дақиқасида Эден Азар Матичнинг пасидан сўнг жарима майдонига кириб борди ва дарвозанинг узоқ пастки бурчагини нишонга олди - 3:0. Яна 10 дақиқа ўтгач Нголо Канте ҳужумда пайдо бўлди ва рақиб ҳимоячисини алдаб ўтиб Де Хеага тўртинчи голни уриб кетди - 4:0. 

Челси – Манчестер Юнайтед 4:0

23 октябрь, 20.00, «Стэмфорд Бридж»

Голлар: 1:0 – 1 Педро, 2:0 – 21 Кэйхилл, 3:0 – 62 Азар, 4:0 – 70 Канте.
Челси – Куртуа, Давид Луиз, Кэйхилл, Алонсо, Аспиликуэта, Матич, Мозес, Педро (Чалоба, 71), Канте, Азар (Виллиан, 78), Диего Коста (Батшуайи, 78).
Манчестер Юнайтед –   Де Хеа, Валенсия, Смоллинг, Байи (Рохо, 52), Блинд, Лингард (Марсьяль, 65), Феллайни (Мата, 46), Эррера, Погба, Рэшфорд, Ибрагимович.
Огоҳлантиришлар: Педро (1), Байи (29), Давид Луиз (41), Алонсо (66), Погба (75).