Агуэронинг кардиологи аргентиналик футболчи нега фаолиятини тугатганини тушунтирди

"2004 йилда биз уни аритмиядан даволаган эдик. У феномен, шунинг учун ундан кейин яна 17 йил футбол ўйнади. Энди бу муаммога ҳеч қандай алоқаси йўқ бошқа нарса аниқланди. Бу касалликни коронавирус ёки вирусга мутлақо алоқаси йўқ.

Эҳтимол, илгари унда миокардит бўлган, кейин унинг асорати қолгани туфайли аритмия вужудга келди. Қисқаси, Агуэронинг аритмия сабаблари номаълум. Унда аритмияга олиб келадиган кичик белги аниқланди, холос. Кейинчалик мана ўйин давомида тахикардия ўзини намоён қилди.

Балки у 23 ёшда бўлганида, уч ой кутиб, яна текширувдан ўтиш мумкин эди. Аммо энди бундан маъно йўқ, фаолиятни тўхтатиш – мукаммал қарор. У маслаҳатга амал қилди.

Дўстлари билан футбол ўйнаса, муаммо бўлмайди. У синовлардан жуда юқори босимларсиз ва аритмиясиз ўтди”, – деди шифокор.