Абдумалик Абдуллаев: “Локомотив”га қарши учрашувга 100 фоиз тайёр эмас эдик”

Ушбу учрашувдан сўнг “Навбаҳор” клуби футболчиси Абдумалик  Абдуллаев ўйин ҳақида ўз фикрлари билан ўртоқлашди.

-  Жамоамизда яхши таркиб шаклланган деб ўйлагандик. Ўзинглар биласизлар “Локомотив” жуда ҳам кучли жамоа. Бизни кучимиз етмади деб ўйлайман. Мағлубиятга сабаб, ўйин давомида бир – биримизда тушунмовчилик бўлди. Ушбу учрашувга дейрли 100 фоиз тайёрмас эдик. Голга тортадиган вазиятлар бўлди омад биздан юз ўгирди деб ўйлайман. Ўша вазиятлардан унумли фойдаланганимизда бошқача ўйин гувоҳи бўлишимиз мумкин эди. Бизда ўйин амалиёти кам деб ўйлайман. Ўз устимда кўпроқ ишлаб кейинги ўйинларда ғалаба қозонишга бор кучимиз билан уруниб кўрамиз. Кейинги ўйинда ғалаба қозонмасак бизни ҳолатимиз жуда ҳам оғир бўлиб қолади. Намангандан келган мухлисларга катта миннатдорчилик билдираман”, - дейди Абдумалик Абдуллаев.

Жаҳонгир Сотволдиев