UZ

Сўнгги янгиликлар

11:30"Қўқон-1912"нинг икки футболчиси жамоадан кетди  0 11:02Адвокат Кюрасао терма жамоасини камида 2025 йил охиригача бошқаришда давом этади  2 10:30Марк Андре тер-Штеген келажаги борасида бир қарорга келди  9 09:52“Арсенал“ “Челси“ футболчисини 60 миллион еврога сотиб олади (Романо)  4 09:23Россиялик ҳужумчи иккинчи даврани Ўзбекистонда ўтказиши мумкин  7 08:55Here we go! “Реал“ яна бир футболчи билан келишувга эришди  26 08:26“Насаф“нинг яна бир етакчиси легионерга айланиши мумкин  6 07:57“Пахтакор“ ҳужумчиси иккинчи даврани “Динамо“да ўтказади  2 07:34Элдор Шомуродов хайрлашув хатини ёзди  12 01:34"Тоттенхэм" ўз тарихидаги энг қиммат трансферни амалга оширишга яқин  1 01:08Расман: Элдор Шомуродов - "Истанбул Башакшеҳир" футболчиси!  16 00:59Тео Эрнандес: "Милан" мен учун энг асосийси эди, сўнгги пайтдаги чиқарилган қарорлар мени шу ерга етаклади"  5 00:25"Атлетик" футболчиси Альварес футболдан четлатилди  1 23:53Скотт Мактомини: "Неаполдаги ҳаёт умуман бошқача"  3 23:25Қирғиз Республикаси термаси собиқ бош мураббийи "Алга"ни бошқаради  0

Умарбек Эшмуродов: "Насаф" ҳали катта ютуқларни қўлга киритади" Янгиликлар

Умарбек Эшмуродов: "Насаф" ҳали катта ютуқларни қўлга киритади"

"Насаф" матбуот хизмати жамоа ҳимоячиси Умарбек Эшмуродов билан қисқача суҳбат уюштирди.

Қуйида ана шу интервьюни эътиборингизга ҳавола этамиз.

- Умарбек аввало сизни шартнома муддатини узайтирганингиз билан табриклаймиз.
- Катта раҳмат. Бош мураббийимиз Рўзиқул ака ва клубимиз бош менежери Сергей Петровичлар менга яна ишонч билдиришди. Ўз ўрнида мен ҳам буни мамнуният билан қабул қилдим ва ўзаро шартнома муддатини узайтирдик.

- Демак, сизни "Насаф"даги шароитлар қониқтиради.
- Шундай, клубимизда футболчи учун ҳамма шароитлар бор. Бу ердаги футболчига бўлган муносабат ҳам профессионал тарзда йўлга қўйилган. Жамоадаги муҳит ҳам ҳар қандай футболчи орзу қиладиган даражада. "Насаф" таркибида тўп тепиб, қитъамизнинг нуфузли мусобақасида ҳам иштирок этдим. Бу мен учун катта тажриба мактаби бўлди. "Насаф"да ўйнаб, жамоам билан яна шундай мусобақада иштирок этишни ҳоҳлайман. Тўғри, бу йил мавсум биз учун қийинроқ кечди. Етакчи футболчиларимиз молиявий муаммолар туфайли  бошқа жамоаларга ўтиб кетишди. Бу кучли жамоаларга қарши ўйинимизда муаммоларни келтириб чиқарди. Аммо Рўзиқул ака буларга қарамасдан биз футболчиларни яхшироқ ўйнашимизга руҳлантира олди. Қолаверса, воҳамиз футбол мухлисларининг энг севимли жамоаси – "Насаф"да тўп тепиш мен учун жуда ёқимли ва фахрлидир.

- Сизни футболчи сифатида жамоамизнинг бу йилги натижаси қониқтирдими?
- Йўқ, чунки ҳар бир футболчи юқори натижаларга эришишни хоҳлайди. Чемпион бўлишни орзу қилмаган футболчи менимча топилмайди. Бу ҳолат, яъни бу йил янги форматда ўтказилган чемпионатимизда қуйи олтиликда  ўрин эгаллашимиз, вақтинчалик ҳолат деб биламан. Пастлаш дунёнинг буюк жамоаларида ҳам учраб туради. Мен шуни ишонч билан айтаманки, "Насаф" ҳали катта ютуқларни қўлга киритади. Келинг, бу йилги натижани юқорига сакрашдан олдин, пастга шўнғиш дея қоламиз. Шундай бўлишини ўзим жуда хоҳлайман.



- Футболчи учун энг муҳими нима?
- Бу саволингизга ўзимнинг дунё қарашимдан келиб чиқиб жавоб бераман. Футболчи шу йўлни танладими, аввало шу соҳани илғори бўлиши керак. Яъни фойдали ўйинчи бўлиши керак. Баъзида футболчини кўп пул хоҳлашини танқид қилишади. Кўп пул кимга керак эмас? Аслида эса футболчи кўп пул таклиф этиладиган даражани эгаллаши керак. Аммо, ҳали бир нарсани уддаламай туриб, кўп пул топиш пайига тушиш ҳам, нотўғри. Футболдан бошқа ҳам пуллик соҳалар кўп. Масалан, тадбиркорлик. Футболда катта пул изидан қувиб, келажагини бузиб қўйган футболчилар ҳам учраб туради. Менимча, футболчи ўз олдига буюк футболчи бўлиш орзусини қўйиши керак, ана шунда уни катта пулнинг ўзи қувлай бошлайди. Бу эришиб бўлмайдиган ҳавои орзу эмас. Одам қилган нарсани, одам қилади.

Фурсатдан фойдаланиб, яқинлашиб келаётган Осиё Кубогида миллий терма жамоамизга каттадан-катта муваффақиятлар тилайман. Терма жамоамиз, ушбу мусобақада миллионлаб мухлисларимизнинг орзусини амалга оширишида омад тилайман.

Рейтинг: +9   

Фикрлар

championat.asia
Яндекс.Метрика