Қирғиз Республикаси термаси собиқ бош мураббийи "Алга"ни бошқаради
10 июл 2025 23:25
Янгиликлар

Қирғиз Республикаси термаси собиқ бош мураббийи "Алга"ни бошқаради

Қирғиз Республикасининг "Алга" жамоаси яқин кунларда янги бош мураббийини эълон қилади.

Унга кўра, мамлакат термасининг собиқ бош мураббийи россиялик Максим Лисицин ушбу жамоа бошқарувини қўлига олади.

Айни пайтга келиб Қирғиз Республикаси чемпионатида ҳам биринчи давра якунланган. 13 турдан кейин "Алга" жамоаси 4 ғалаба, 1 дуранг ва 8 мағлубият қайд этган ҳолда 13 очко билан 11-ўринни эгаллаб турибди.

Қирғиз Премьер-лигасидан фақатгина бир жамоа қуйига тушиб кетади.

Маълумот учун, Лисицин 2023-2025 йилларда Қирғиз Республикаси термасини бошқарди. Унинг қўл остида жамоа 14 ўйинда 3 ғалаба, 2 дуранг ва 9 мағлубият қайд этди.

Ҳавола :

Манба : championat.asia

Янгиликларни Телеграмда ўқинг!

Рейтинг: