UZ

Сўнгги янгиликлар

10:07Клублар ўртасидаги ЖЧ. Ким қанча ишлаб олди?  0 09:30Ўтган мавсумдаги Суперлиганинг "энг яхши ёш футболчиси" фаолиятини водий жамоасида давом эттиради  1 08:53Терма жамоамизнинг яна бир аъзосига Греция ва Ла Лига 2 жамоасидан қизиқиш бор  10 08:19"Реал" ўз тарбияланувчисининг қайтганини эълон қилди  6 07:47Терма жамоамизнинг яна бир аъзоси легионерга айланди. Унинг янги жамоасидаги рақами ҳам маълум  7 07:39Ўзбекистон МТЖ аъзоси Эрон чемпиони билан шартнома имзолайди  9 01:44Жезуш Роналду ҳақида: "Унинг таклифи туфайли "Ал Насср"даман"  12 00:48Тер Штеген ғазабда, клубдагилар уни кетади деб ўйлашяпти, аммо...  7 00:30"Андижон" Валижон Раҳимов билан хайрлашди  2 23:43"Ал Ҳилол" собиқ устози энди "Ал Насср"ни бошқаради  1 23:17"Ньюкасл" "Айнтрахт" ҳужумчиси учун 70 млн. евро таклиф қилди  2 22:34Испания ҳукумати Ямалнинг туғилган кун байрамида карлик касаллиги бор одамларнинг ишга ёлланганини текширишни сўради  7 22:04КЖЧдан сўнг "Олтин тўп" учун ким асосий даъвогар?  75 19:54Грилишнинг янги манзили Туркия бўлиши мумкин  3 19:27Расман: Кенжабоев "Қизилқум"га қайтди  7

Анзур Исмоилов Абдуқодир Ҳусанов ҳақида: "Манчестер Сити"га мослашиш ва дебют ўйинда "Челси"га қарши ўйнаш ҳамма ўйлагандек осон жараён эмас" Янгиликлар

Анзур Исмоилов Абдуқодир Ҳусанов ҳақида: "Манчестер Сити"га мослашиш ва дебют ўйинда "Челси"га қарши ўйнаш ҳамма ўйлагандек осон жараён эмас"

"Локомотив" жамоаси кеча Тошкентдаги йиғин доирасидан ўрин олган сўнгги назорат учрашувида майдонга тушди. "

"Динамо" рақиблик қилган ўйинда "темирйўлчилар" ғалабани ўзиники қилди. Айтиш мумкинки, бу йил жамоа таркиби янгиланиш билан бир қаторда етакчиларни ҳам сақлаб қолди. Бу шубҳасиз Анзур Исмоиловдир. 2025 йилда 40 ёшга тўладиган ҳимоячи ҳамон яшил майдонда жавлон урмоқда. Ўйиндан сўнг Ўзбекистон терма жамоаси собиқ футболчисининг фикрлари билан қизиқдик. 

- 40 ёшда ўзингизни катта футболда қандай ҳис қиляпсиз? Бундай ёшда жисмонан куч тарафлама муаммолар бўлмаяптими?

- Ёшим катта бўлишига қарамай ўзимда тўп тепишга кучли иштиёқ бор. Озгина ёқимсизлик ёки тугатишга эхтиёж сезсам тугатаман. Югуриш, сакраш, жисмоний томонлама кучим етарли экан ўйнашда давом этяпман. Менимча 40 ёшда футбол ўйнаётган фақат ўзим қолган бўлсам керак (кулади).

- "Локомотив" билан Про лигага тайёргарлик қандай кетяпти?

- Суперлигада ўйнашимиз ҳам мумкин эди. Лекин нима ҳам дердик. Про лигада "Локомотив"ни элитага қайтарамиз. Очиғини айтганда яхши жамоа шаклланмоқда. 

- Про лигада жамоалар сони камлигига муносабатингиз қандай?

- Аслини олиб қараганда ростдан ҳам Про лигада жамоалар сони кам. Жамоалар сони қанча кўп бўлса шунча яхши. Камида йилига 30 та ўйин ўтказишимиз керак. Охиригача кутамиз. 

- Суҳбат давомида Абдуқодир Ҳусанов ҳақида сўрамасак бўлмайди. Унинг "Манчестер Сити"га ўтиши ва дебют учрашуви сизда қандай таассурот қолдирди?

- Абдуқодир Ҳусанов кучли футболчи. Биласизми, футболчини фақат ўз меҳнати юксалтиради. У бизнинг ҳақиқий иқтидоримиз. "Манчестер Сити"дек жамоага бирданига киришиб кетиш ва дебют ўйинда "Челси"га қарши ўйнаш ҳамма ўйлагандек осон жараён эмас. Унда ҳаммаси олдинда. 

- Ҳусановнинг асосий ютуғи ва устун тарафи нимада?

- Тезлиги юқори ва жуда хотиржам ҳаракат қилади. Тўпни эгаллаб тепиб юбормайди ва ақл билан иш тутади. Тўпни ўзида яхши ушлайди. 

- Тимур Кападзе Ўзбекистон терма жамоаси бош мураббийи этиб тайинланди. Олдиндаги қисқа вақтда терма жамоамиз керакли натижани кўрсата оладими?

- Тимур Тохировичга ишонамиз. Унинг футболи ҳаммага ёқади. Ўтган йили Олимпиадага олиб чиқди. Ҳар бир мусобақада максимал натижа кўрсатиб келяпти. Мураббийимизни қўллаб-қувватлаймиз ва Жаҳон чемпионатига чиқишимизга ишонамиз. Ҳозирда энг муҳими қўллаб-қувватлаш.

Муаллиф : Iskandarov Abdulaziz
Рейтинг: +5   

Фикрлар

championat.asia
Яндекс.Метрика