"Championat.asia" сайти маълумотига кўра, Ўзбекистон футбол Ассоциацияси германиялик машҳур мутахассис Йоахим Лёв билан музокаралар олиб бормоқда. Лёв терма жамоамизни бошқариши мумкин.
Эслатиб ўтамиз, 65 ёшли мутахассис 2014 йил Германия терма жамоасини Жаҳон чемпиони қилган ва ўша йили ФИФА томонидан дунёнинг энг яхши мураббийи деб топилган. Лёв 2021 йилнинг март ойида Германия терма жамоаси бошқарувидан кетган ва ўшандан бери ҳеч қаерда ишламаган.
Маълумот учун, Ўзбекистон миллий терма жамоасининг айни пайтдаги бош мураббийи Тимур Кападзе ҳисобланади. Сречко Катанец кетганидан кейин Т.Кападзе билан тузилган шартнома ҳали узайтирилмаган.
