Venesuela bosh murabbiyi Freddi Migel Gonsales: "O'zbekistondan taklif tushgach o'ylab o'tirmasdan rozilik berdim"
23 iyu 2021 16:08
Yangiliklar
![](https://championat.asia/upload/storage/644419_original.jpg)
![](/upload/storage/644419_220.jpg)
Venesuela bosh murabbiyi Freddi Migel Gonsales: "O'zbekistondan taklif tushgach o'ylab o'tirmasdan rozilik berdim"
SHu munosabat bilan bugun O'FA anjumanlar zalida ikki jamoa bosh murabbiylari ishtirokida matbuot anjumani bo'lib o'tdi. Unda dastlab Venesuela terma jamoasi bosh murabbiyi Freddi Migel Gonsales va futzalchi Rafael Morilo jurnalistlarning savollariga javob qaytardi.
"Barchaga xayrli kun. Birinchi o'rinda O'FA mutasaddilariga taklif uchun rahmat aytaman. Toshkentda kuchli futzalchilarga qarshi o'ynash biz uchun katta sharaf. Ertaga barchaga qiziqarli bo'lgan uchrashuv guvohiga aylanamiz",- deydi Freddi Migel Gonsales.
"Ushbu ikkita o'rtoqlik uchrashuvi bizga Jahon chempionatiga tayyorgarlik vazifasini o'taydi. O'ylaymanki foydali bo'ladi. Muxlislar uchun ham bu o'yin qiziqarli, deb o'ylayman. Ertaga kuchli jamoa g'alabani qo'lga kiritishi tarafdoriman",- deydi Rafael Morilo.
- O'zbekiston futzal terma jamoasi haqida qanchalik malumotga egasiz?
- Malumotlarga egamiz. Raqib safida yuqori texnikali va tezkor o'yinchilar bor. O'zbekistonning Argentina bilan o'yinni ko'rib o'rgandik. Ikkita uchrashuvda murabbiyning o'z imzosi va uslubi bilinib turdi. O'zining yorqin o'yini bilan ajralib turdi. Bahodir Ahmedov Xose Mariya Mendesdan so'ng munosib tarzda ishni davom ettirmoqda. Tarkibdagi o'zgarishlarga qaramasdan uslub o'zgarmagan. Futzalchilarga kelsak masalan Rustam Umarov katta tajribaga ega. Bizni qiyin va qiziqarli o'yin kutmoqda.
- O'zbekistonning taklifini qabul qilishingizga nima turtki bo'ldi?
- 2016 yilgi Jahon chempionatida O'zbekiston menda juda yaxshi taassurot qoldirgandi. SHaxsan o'zim ularning o'yinlarini joyidan turib kuzatganman. Mezbon Kolumbiya bilan juda yaxshi o'ynagan, faqat so'nggi daqiqalarda omad etishmagandi. SHu bois o'ylab o'tirmasdan bu taklifni qabul qildim.
O’xshash yangiliklar
![AMP Logo](https://championat.asia/image/logo-amp.png)
Fikrlar