URUGVAY - KOSTA RIKA - 1:3. MATNLI TRANSLYACIYA
15 iyu 2014 02:01
Yangiliklar

URUGVAY - KOSTA RIKA - 1:3. MATNLI TRANSLYACIYA

JCH-2014 doirasidagi Urugvay - Kosta Rika uchrashuvining matnli translyaciyasini shu erda kuzatib boring.

URUGVAY - KOSTA-RIKA - 1:3 (1:0)
15 iyun. 00:00
Bosh hakam: Feliks Brix (Germaniya)
Yordamchi hakamlar: Mark Borsh (Germaniya), Stefan Lupp (Germaniya)
Zaxira hakami: Viktor Karillo (Peru)

Urugvay: Fernando Muslera, Diego Lugano, Diego Godin, Valter Gargano (Alvaro Gonsalez, 60), Kristian Rodrigez (Abel Ernandez, 76), Diego Forlan (Nikolas Lodeyro, 60), Kristian Stuani, Maksi Pereyra, Arevalo Rios, Edinson Kavani, Martin Kaseres.

Kosta Rika: Keylor Navas, Jankarlo Gonsalez, Mixael Umana, Selso Borges, Oskar Duarte, Kristian Bolanos (Barrantes, 88), Joel Kempbell, Brayn Ruiz (Urena, 83), Junior Diaz, Kristian Gamboa, Elcin Texeda (Kubero, 74).

Gollar: Kavani 24-pen - Kempbell 54, Duarte 57. Urena, 84.

Ogohlantirishlar: Lugano 49. Gargano 56. Kaseres, 81.

CHetlatish: Pereyra, 90+4.

MATNLI TRANSLYACIYA
YANGILASH

- Bu guruhda nimchorak finalga chiqish uchun kurashga Kosta Rika ham qo'shildi. Qolgan uchrashuvlarning qanday kechishini tasavvur qilish qiyin emas. Futboldan bahra oling.

90+5 - O'yin tugadi. Kosta Rika sensaciya sohibi! Xorxe Pinto va uning shogirdlariga tasanno!

90+4 - Mundialdagi birinchi qizil kartochka urugvaylik Pereyraga ko'rsatildi. U Kempbellga nisbatan juda qo'pol o'ynagandi.

90 - Ikkinchi bo'limga 5 daqiqa qo'shildi.

88 - Kosta Rikada oxirgi o'zgarish. Bolanos o'rniga Barrantes maydonga tushirildi.

85 - Kempbell bugun nimalar qilmoqda! Ajoyib futbolchi! Uning pasidan keyin Urena gol urdi. Kempbell "Olimpiakos" safida ham "MYU"ga qarshi ajoyib o'yin ko'rsatgandi.

84 - GOOOOOOOOOL! GOL! GOL! GOL! Urena! Hozirgina zaxiradan tushgan Markos urugvayliklar darvozasiga uchinchi to'pni kiritdi!

83 - Kosta Rikada o'zgarish. Ruiz o'rniga Urena maydonga tushirildi.

81 - Kaseres qo'polligi uchun ogohlantirildi.

79 - "Selesao"ning hujumlarini Kosta Rika butun jamoa bo'lib bartaraf etishni uddalayapti.

76 - Urugvayda oxirgi o'zgarish. Rodrigez o'rniga Ernandez maydonga tushirildi.

74 - Kosta Rikada o'zgarish. Texeda o'rniga Kubero maydonga tushirildi.

72 - Urugvay bor etiborini hujumga qaratyapti. Kosta Rikada keskin qarshi hujum uyushtirishga imkoniyatlar paydo bo'lmoqda.

69 - Navas Kavanining bosh bilan bergan zarbasini bartaraf qildi.

68 - Urugvay kuchini tejab o'ynashga qaror qilgan yoki raqibning imkoniyatini yuqori baholamagan, aftidan. Bu Oskar Tabarez shogirdlariga qimmatga tushmoqda.

66 - Kosta Rika bu o'yin qanday natida bilan tugashidan qati nazar, ishqibozlarning mehrini qozonib ulgurdi.

64 - Kempbellning superzarbasi salgina noaniq chiqdi. Kosta Rikaga shunchaki qoyil.

60 - Urugvaydan ikkita o'zgarish. Forlan o'rniga Lodeyro, Gargano o'rniga Gonsalez maydonga tushirildi.

58 - Jarima zarbasidan keyin to'p darvoza yaqiniga oshirildi va Duarte boshi bilan uzoq burchakka to'pni aylashtirib tashlab qo'ydi! Urugvay shokda!

57 - GOOOOOOL! GOOOL! GOOOOL! KOSTA RIKA! Ol-qish-lar!

57 - Gargano qo'polligi uchun ogohlantirildi.

55 - Qanotdan jarima maydoniga oshirilgan to'pni qaytarishda Urugvay himoyachilari sust harakat qilishdi. To'pni to'xtatib olgan Kempbell xotirjamlik bilan chap oyog'ida kuchli zarba berdi, 1:1!

54 - GOOOOOL! Kempbell! Kosta Rika hisobni tenglashtirdi!

50 - Jarima zarbasidan keyin Duartening zarbasini Muslera qaytarib qoldi. Ikkinchi zarbani berishga Kosta rikaliklar ulgurishmadi.

49 - Lugano qo'polligi uchun ogohlantirildi. Kosta Rikada qulay jarima zarbasi.

- Ikkinchi bo'lim boshlandi.

- Bo'lim statistikasi:

To'pni nazorat qilish - 49:51

Aniq zarbalar - 4:0

O'yin qoidasini buzishlar - 6:10

To'p oshirishlar soni - 230:238

- Birinchi bo'lim tugadi. Urugvay tanaffusga kichik hisobdagi ustunlik bilan chiqib ketdi.

45 - Birinchi bo'limga 2 daqiqa qo'shildi.

44 - Navasdan ajoyib seyv! U Forlanning zarbasidan keyin himoyachiga tegib, yuqori burchakka kirib borayotgan to'pni to'sin ustidan oshirib tashladi.

43 - Muslera to'pga chiqishda xatoga yo'l qo'ydi, biroq Gonsalez to'pga ulgurmadi. Darvoza ochiq qolgandi.

42 - Kosta Rikada yana bir burchak zarbasi.

40 - Urugvay birinchi bo'limda o'zidan kutilgan o'yinni namoyish eta olmayapti.

33 - Kosta Rikada qarshi hujumlarga o'tish uchun imkoniyatlar bo'lmoqda, biroq ularga tezlik bilan o'ynash vaqtida aniqlik etishmayapti.

30 - Kosta Rika jarima zarbasi tepish imkoniyatiga ega bo'ldi. Gonsalezning zarbasi himoyachidan maydon tashqarisiga chiqib ketdi.

26 - Kempbellning uzoq masofadan bergan kuchli zarbasi salgina noaniq chiqdi.

23 - GOOOOL! Kavani penaltidan unumli foydalandi. Navasning to'p yo'nalishini topgani samarali bo'lgani yo'q. Urugvay oldinda, 1:0

22 - PENALTI!!! Kosta rikaliklar jarima maydonida Luganoni Dias qo'li bilan ushlab qoldi.

19 - Darvozalarga biror marta aniq zarba berilmadi.

16 - Kavani ofsayd yo'q holatdan gol ura olmadi. Raqib himoyachilari xatosidan keyin to'p unga juda qulay kelib tushgandi. Edinson noaniq zarba berdi.

15 - Urugvay gol urdi, lekin bu holatda yaqqol o'yindan tashqari holatda bor edi. Germaniyalik hakamlar bu vaziyatni to'g'ri ko'ra bilishdi.

12 - Urugvayga hujumda fantaziya, ijodkorlik etishmayapti.

9 - Kosta Rika xavfli hujum tashkil qildi. Biroq Pereyra va Lugano vaziyatni bartaraf etdi.

5 - Kosta Rika bellashuvni yomon boshlagani yo'q. Xorxe Pinto shogirdlari raqibdan cho'chishmayapti.

3 - Jamoalar o'yinni xotirjam boshlashdi. Hozircha keskin vaziyatlar yuzaga kelmadi.

- O'yin boshlandi. Ketdik!

- O'yinni boshlashga hamma narsa tayyor. Uchrashuvni Urugvay boshlab beradi.

- Jamoalar maydonda. Hozir har ikki mamlakat madhiyalari yangraydi.

- Urugvay Kosta Rikani 2010 yilgi jahon chempionatidan mahrum etgan. O'shanda pley-offda Urugvay zafar quchgan.

- Yana bir ozdan so'ng jamoalar maydonga chiqib kelishadi. Urugvaylik muxlislar stadionda ko'proq ekanligi ko'zga tashlanyapti.

- Urugvay havorang, Kosta Rika esa oq rangli liboslarda harakat qiladi.

- Urugvay Braziliyadagi avvalgi mundialda jahon chempionligini ko'lga kiritgan. Bu safar ular chempionatni qanday o'tkazishadi? Birgalikda kuzatib boramiz.

- Jamoalar maydonda o'yindan oldingi chigalyozdi mashqlarini o'tkazishyapti.

- O'yin sharhini o'quvchilarimizga Behzod Nazarov taqdim etadi.

- Uchrashuv soat 00:00da boshlanadi.

Havola :

Manba : championat.asia

Yangiliklarni Telegramda o'qing!

Reyting: