Timur Hakimov: “Bizning vazifamiz elitada jon saqlab qolish”

Ushbu uchrashuvdan so'ng “Obod” klubi futbolchisi Timur Hakimov o'yin haqida o'z fikrlari bilan o'rtoqlashdi.

“Lokomotiv”ga bilan o'yin og'ir bo'ldi. “Lokomotiv”ga qarshi jiddiy tayyorgarlik ko'rgandik. Ushbu o'yinda 1 ochko bo'lsa ham qo'lga kiritmoqchi edik. Raqib darvozasini ishg'ol qilganimizda biroz himoyaga etibor qaratdik. Bu bizni xatoyimiz edi. “Lokomotiv”dek jamoalar bunday xatolarni kechirishmaydi. Eng yaxshi himoya bu hujum deb bejizga aytishmagan. Seni darvozanga hujum uyushtirishmasidan oldin sen raqib darvozasiga hujum uyushtirishin kerak. Norxonovga to'pni aniq etkazib bersam u gol urishini sezgandim. Keyingi turda Farg'onaning “Neftchi” jamoasini o'z uyimizda qabul qilamiz. Ushbu o'yinga ham jiddiy tarzda tayyorgarlik ko'ramiz. “Neftchi”ga qarshi o'yinda 3 ochkoni qo'lga kiritishga harakat qilamiz. Bizning vazifamiz elitada jon saqlab qolish”, - deydi “Obod” klubi futbolchisi Timur Hakimov.

Jahongir Sotvoldiev