Temurxo'ja Abduxoliqov: "Bunyodkor"ni qiyin vaziyatdan olib chiqib ketish o'z qo'limizda. Bizga chetdan hech kim kelib yordam bermaydi"

"Qizilqum" va "Andijon"dan uchralgan mag'lubiyat kutilmagan holat sifatida baholandi. SHunga qaramay jamoa keyingi bahslarda o'z o'yinini topib oldi. CHempionlik uchun kurashayotshgan "Navbahor"dan ochko olgan "qaldirg'ochlar" keyingi bahsda OKMKga jiddiy qarshilik ko'rsatdi. "Dinamo" bilan durang qayd etdi. Har bir o'yinda so'nggi daqiqalargacha raqiblarini qiynab qo'yayotgan jamoada natija yo'q. Oldindagi O'zbekiston Kubogi uchrashuvlari esa ruhiy tomonlama ishonch bersa ajab emas. Jamoa sardori Temurxo'ja Abduxoliqov jamoadagi vaziyat va tayyorgarlik jarayonlari bilan o'rtoqlashdi. 

"Jamoani qiyin vaziyatdan olib chiqib ketish o'z qo'limizda. Bizga hech kim chetdan kelib yordam bermaydi. Faoliyatimda bunday vaziyatlarga ko'p duch kelganman. Avvalgi natijalarni unutishimiz kerak, tamom. Ko'ryapsiz vaziyatlar yaratmoqdamiz. 3ta o'yinda ham nazorat qildik. Faqat va faqat xarakat qilish, ishlash kerak. Bo'lajak o'yinlarda ochko olishni istasak tarixga emas, oldinga qarab intilishimiz zarur. Kubok bahslariga to'xtalsam, oson jamoa qolmagan. Ayniqsa Toshkent klublariga qarshi raqiblar boshqacha kuch bilan xarakat qiladi. O'zini ko'rsatish uchun bor kuchini ishga soladi. Bizga esa g'alaba zarur",- deydi Temurxo'ja Abduxoliqov.