Superliga. Bugun Andijonda vodiy derbisi va Toshkentda "Buxoro" mehmon bo'ladi
15 mar 2020 08:00
Yangiliklar
Superliga. Bugun Andijonda vodiy derbisi va Toshkentda "Buxoro" mehmon bo'ladi
"Lokomotiv" – "Buxoro"
15 mart 2020 yil. Toshkent. "Lokomotiv" stadioni. 17:00
Hakamlar: Ravshan Abdivohidov, Farhod Usmonov, Zufar Eliboev, Rustam CHoriev
Nazoratchi: Mamur Saidqosimov
Komissar: Laziz Qo'chqorov
Dastlabki ikki turda umuman gol ura olmagan va ochko ololmagan "Buxoro" Toshkentda "Lokomotiv" mehmoni bo'ladi.
Bu ikki klub milliy chempionat doirasida hozirga qadar 30 marta to'qnash kelishgan. 19ta uchrashuvda "Lokomotiv", 6ta o'yinda "Buxoro" muvaffaqiyat qozongan. Qolgan 5ta bahs durang bilan nihoyasiga etgan. "Lokomotiv" bu jamoa darvozasiga 59ta gol urgan va 31ta to'p o'tkazib yuborgan.
O'zaro o'tgan so'nggi 8ta o'yinning barchasida "Lokomotiv"ning qo'li baland kelgan. So'nggi bor "Buxoro" 2016 yilgi mavsumda "temiryo'lchilar"ni taslim qilgan ekan.
"Lokomotiv" o'z maydonida 9ta o'yindan buyon "Buxoro"ga yutqazmay kelmoqda.
O'tgan mavsum ikkinchi davrani "Buxoro"da o'tkazgan Davron Umirov hozir "Lokomotiv"da o'ynamoqda. Bir necha yil "Lokomotiv"da o'ynagan Azizbek Amonov esa shu yil boshida "Buxoro"ga o'tdi.
Lokomotiv Marat Bikmayev - 17', Temurxo’ja Abduxoliqov - 20', Shahzod Shaymanov - 90' |
Superliga. 3-tur 15/03/2020, 17:00 0
:
3
Tugadi
|
Buxoro |
"Andijon" – "Navbahor"
15 mart 2020 yil. Andijon. "Sog'lom Avlod" stadioni. 17:00
Hakamlar: Viktor Serazetdinov, Aleksandr Sidorov, Avaz Abdullaev, Rahimbek Karimov
Nazoratchi: Sardor Nadjafaliev
Komissar: Oybek Yunusov
Bu mavsumdagi dastlabki vodiy derbisi Andijonda o'tadi.
Ushbu jamoalar o'rtasidagi 48ta o'yindan 25tasida "Navbahor" g'olib bo'lgan. 10ta bahsda "Andijon" zafar quchgan. 13ta o'yinda durang qayd etilgan.
"Lochinlar" o'zaro o'yinlarda 73ta gol urishgan va 47ta gol o'tkazib yuborishgan.
O'tgan mavsum "Navbahor" maydonidagi uchrashuvda 1:1 hisobi qayd etilgan. Andijonda "Navbahor" 1:0 hisobida g'olib bo'lgan.
Fikrlar