"So'g'diyona": Davron Fayziev o'z arizasiga ko'ra vazifasidan ozod qilindi
30 iyu 2017 11:02
Yangiliklar

"So'g'diyona": Davron Fayziev o'z arizasiga ko'ra vazifasidan ozod qilindi

Kuni kecha “So'g'diyona” stadionida klub rahbariyati va murabbiylar shtabi bilan birinchi davra yakunlariga bag'ishlangan yig'ilish o'tkazildi.

Yig'ilishni klub prezidenti Mahmudjanov O'ktamjon Ismailovich olib bordi. U o'z so'zida klubning birinchi davradagi qoniqarsiz natijalari va darvozabonlarni tayyorlashdagi kamchiliklar borasida so'z yuritdi.

Yig'ilish davomida darvozabonlarda etarli mahoratni shakllantirolmaganligi natijasida jamoa darvozabonlar murabbiyi SHavkat Abduxo'jaev istefoga chiqarildi.

Klubning muvaffaqiyatsiz natijalari va birinchi davrani 13-o'rinda yakunlagani uchun bosh murabbiy Davron Fayziev o'z arizasiga ko'ra vazifasidan ozod qilindi.

SHu bilan birga, futbolchilar Dadajon Mamatqulov, Omon-biik Xalilov va darvozabon Sarvar Karimov bilan tuzilgan shartnoma muddatidan avval bekor qilindi.

Jamoaga yangi murabbiy izlanmoqda.

“So'g'diyona” matbuot xizmati