Otabek Narzullaev: "Bitta xato - mag'lubiyatga olib keldi"

Avvalambor Assalomu alaykum! Biz uchun muhim uchrashuv edi, bugungi bahsga yaxshi tayyorgarlik ko'rgandik. Bitta xato - mag'lubiyatga olib keldi. Yigitlar qo'ldan kelgancha harakat qilishdi. Mag'lubiyatga doim murabbiy aybdor bo'lgan. Biroq futbolchilarda ozgina shijoat bo'lishi kerak. Ammo bitta shijoatning o'zi etarli emas hozirgi vaqtimizda. Ko'proq mehnat qilish lozim. Hozirgi ahvolimizni yaxshi deb bo'lmaydi. Chunki uyda "Buxoro"ni mag'lub eta olmadik, hozir "Qizilqum"ga ham 3 ochko taqdim etdik. Hozir nima deb aytishni ham bilmayman. Mehnat qilyapmiz, yigitlarga tushuntiryapmiz. Xato qilgan barcha uchrashuvda mag'lub bo'lmoqdamiz. Agar biz xato qilmasak, mag'lubiyga uchramasdan harakat qilamiz.

Jamoalar mavsum davomida o'rtoqlik uchrashuvlarida maydonga tushadi. Har ikki jamoa bir-birini juda yaxshi biladi. Ikkinchi bo'limda "Qizilqum" o'yini kuchaytirmadi, balki sizning o'zgarishlaringiz orqali "Mashal"  mag'lub bo'lgandek tuyildi...

- Biz bir birimizni juda yaxshi bilamiz. Do'stimiz Akmal ushbu jamoani boshqarib bormoqda. Bu futbol! Futbolda xato qilsayiz, mag'lub bo'lasiz. Bugungi uchrashuvga bir qator akademiya futbolchilarini olib kelgandik. Akademiya yoshlariga ham imkoniyat berishimiz kerak. Bizda ajoyib akademiya bor. Qachongacha o'zimizda yaxshi yoshlar bo'la turib, legionerlardan foydalanamiz. Mag'lubiyat bo'layotgan vaqtda yoshlardan yaxshi foydalansak bo'ladi, shu sababli bugungi bahsda yosh yigitlarni maydonga tushirgandik.