"SHo'rtan" matbuot xizmati: Muxtor Qurbonov klubdan ketdi

Mashg'ulotlar G'uzor shag'ridagi klub bazasida olib borilmoqda. Jamoa  tayyorgarliklarni barcha qulayliklarga ega bo'lgan shuningdek boshqa klublardagi mavjud sharoitlardan hech qolishmaydigan o'z ixtiyoridagi qarorgohda davom ettirmoqda. Mashg'ulotlar har kuni ikki mahaldan olib borilmoqda. O'quv-yig'in mashg'ulotlarini Qashqadaryo vohasining etuk mutaxasisi sifatida tanilgan “SHo'rtan” PFK murabbiyi – Zoir To'raqulov boshchiligidagi murabbiylar o'tkazishmoqda.

Muqaddam jamoada bosh murabbiy vazifasida ishlagan Muxtor Qurbonov bundan buyon jamoada faoliyat yuritmaydigan bo'ldi.

Klub rahbariyati hozirgi kunda jamoaga bosh murabbiy tayinlash borasida bir qator nomzodlarni ko'rib chiqmoqda, bosh murabbiy masalasi yanvar oyida uzil-kesil hal bo'ladi.

“SHo'rtan” jamoasini bir qancha futbolchilar tark etgan. Ammo bungacha jamoada faoliyat yuritgan tajribali futbolchilardan Eldor Tojiboev, Eldor Boymatov, Mirzakamol Kamolov, Zafar Polvonov, Laziz Ubaydullaev va Igor Taranlar jamoada qoladigan bo'lishdi. Bundan tashqari klub rahbariyati tarkibga avvalo o'z ixtiyoridagi futbol maktabi tarbiyalanuvchilaridan va vohamiz futbol maktablarida tarbiyalangan yosh futbolchilarni jalb qilishga qaror qilishgan. SHunday qilib, klub o'z safiga futbolchilarni jalb qilish borasida bor etiborini ichki imkoniyatga qaratadi. Bu holat albatta vohamizda kamolga etayotgan ko'plab mahalliy yosh futbolchilarga o'z baxtlarini katta futbolda sinab ko'rish imkoniyatini yaratadi. Ajab emaski, kelgusida ko'plab iqtidorli yangi nomlar aynan “SHo'rtan” jamoasida yuzaga chiqsa. SHuningdek jamoaga bu yilgi mavsumda xorijdan futbolchilarni taklif qilinmasligi aniq bo'ldi.

Jamoa tayyorgarliklarni 15 yanvargacha G'uzorda davom ettiradi, keyin futbolchilarga uch kunlik tatil beriladi va 18 yanvar kuni Toshkent shahrida tibbiy ko'rikdan o'tishadi. Demak, bu kungacha jamoa tarkibi to'liq shakllanib bo'ladi.

Jamoa azolari shu kuni “O'zbekiston” mehmonxonasida yig'ilishadi. O'quv – yig'in mashg'ulotlarining keyingi, uchinchi bosqichi poytaxtda davom ettiriladi.

Yangiliklar “SHo'rtan” PFK matbuot xizmati bilan hamkorlikda tayyorlandi.