Sergey Lushan: "Bunyodkor” futbol maktabi Osiyoda eng yaxshi va kuchli maktabga aylanadi"

“O'ylaymanki, uchrashuv chiroyli va shiddatli o'tdi. Bizda imkoniyat qolmagan bulsa-da, oxirigacha kurashdik. Raqibga biroz omad kulib boqdi. Ayniqsa golga aylantirilgan vaziyatlar borasida. SHogirdlarimga hech qanday etirozim yo'q, ular yaxshi o'ynadilar. Bunday stadionda va shuncha muxlis qarshisida to'p tepish sharaf. “Persepolis”ga omad tilayman, ularni OCHLda uzoqroqqa borishini tilayman", - deydi Lushan.

- Jamoangizda imkoniyat qolmagan bo'lsada yaxshi o'ynadinglar. SHogirdlaringizni uchrashuvga qanday tayyorladingiz va ruhlantirdingiz?
- “Bunyodkor”ning o'z ananalari va tarixi bor. Biz har bir uchrashuvda g'alaba qozonishga harakat qilamiz. Jamoamizda tajribali futbolchilar ham bor, yoshlar ham bor. Bizda eng asosiysi o'yin mazmuni bor. O'yin bo'lsa albatta natija ham bo'ladi. “Bunyodkor” futbol maktabi Osiyoda eng yaxshi va kuchli maktabga aylanadi va biz yaratayotgan tizim barqaror ishlaydi.

- Ikkala golni ham himoyadagi xatolar tufayli o'tkazib yubordinglar. Xatolar haqida nima deya olasiz?
- Bizda tarkib borasida muammolar deb aytib o'tgandim. Eng alamlisi eng asosiy himoyachilarimiz safdan chiqib qolishdi. Masalan qo'l ostimdagi hujumchini chap himoyaga qo'yishga majbur bo'ldim. 10 nafar yoshlarimizni terma jamoaga olib ketishdi. Lekin bizda raqibga qaraganda ko'proq vaziyat bo'ldi. Yigitlar harakat qilishdi. Bu futbol. Kimdir yutadi, kimdir yutqazadi.


"Bunyodkor" matbuot xizmati