Serbiyalik murabbiy Sinisha Mixaylovich vafot etdi
16 dek 2022 19:53
Yangiliklar

Serbiyalik murabbiy Sinisha Mixaylovich vafot etdi

“Torino”, “Fiorentina” klublari hamda Serbiya terma jamoasining sobiq bosh murabbiyi Sinisha Mixaylovich 54 yoshida vafot etdi. Bu haqda jurnalist Fabricio Romano Twitter sahifasi orqali xabar berdi.

2019 yil Mixaylovichga oqqon kasalligi tashxisi qo'yilgandi. Mutaxassis ancha muddat davolandi, shundan so'ng kasallik ortga chekindi. Biroq 2022 yilning bahorida xastalik yana uni bezovta qila boshladi. SHunga qaramay, bu vaqt davomida Mixaylovich murabbiylik faoliyatini davom ettirayotgandi.

Mixaylovich futbolchilik faoliyatida himoyachi ampulasida harakat qilgan. U "Crvena Zvezda", "Roma" singari kuchli jamoalar safida to'p tepgan, ammo "Lacio"dagi (1998-2004) faoliyati orqali jamoatchilikka tanilgan. Mixaylovich 2006 yil “Inter” safida butsalarini mixga ilgan. Xalqaro miqyosda Mixaylovich avvaliga Yugoslaviya, keyin esa Serbiya va CHernogoriya terma jamoalari sharafini himoya qilgan.

2006 yil u "Inter"da yordamchi murabbiy sifatida faoliyatini boshlagan. SHundan so'ng “Fiorentina”, Serbiya terma jamoasi, “Sampdoriya”, “Torino” klublarida ishlagan. Oxirgi uch mavsum davomida Mixaylovich “Bolonya”ni boshqargandi.

Havola :

Manba : twitter.com/FabrizioRomano

Yangiliklarni Telegramda o'qing!

Reyting: -21