Saudiya Arabistoni bosh murabbiyi: "Biz juda chiroyli o'yin ko'rsatdik"
12 okt 2019 13:01
Yangiliklar
![](https://championat.asia/upload/storage/523098_original.jpg)
![](/upload/storage/523098_220.jpg)
Saudiya Arabistoni bosh murabbiyi: "Biz juda chiroyli o'yin ko'rsatdik"
Burayda shahrida bo'lib o'tgan Saudiya Arabistoni - Singapur uchrashuvi maydon egalarining 3:0 hisobidagi g'alabasi bilan yakun topdi. O'yindan keyin saudiyaliklar bosh murabbiyi Erve Renar shunday dedi:
- "Men chiroyli o'yin uchun futbolchilarga rahmat aytaman. SHuningdek, muxlislarga ham alohida tashakkur, chunki jamoamizning yirik hisobda zafar quchishiga muxlislar ham o'z hissalarini qo'shishdi. Biz bir qator vaziyatlardan foydalana olmadik, yo'qsa hisob yanada yirik bo'lardi. Muhimi, uch ochko qo'lga kiritildi va keyingi bahsga ko'tarinki kayfiyatda tayyorlanamiz".
- "Avvalgi tur Yaman bilan bahsda bazi rejalar o'xshamagandi, lekin Singapurga qarshi jamoa juda yaxshi harakat qildi. Biz bundan keyin imkon qadar gol o'tkazmaslikka harakat qilamiz. CHunki futbol faqat gol urishdan iborat emas, himoyani ham o'ylash kerak".
Yaxshi bilasiz, Saudiya Arabistoni O'zbekiston milliy terma jamoasi bilan bitta guruhda joy olgan. Bu jamoa navbatdagi turni 15 oktyabr kuni safarda Falastinga qarshi o'tkazadi. O'zbekiston - Saudiya Arabistoni uchrashuvi 14 noyabr kuni Toshkentda bo'lib o'tadi.
O’xshash yangiliklar
![AMP Logo](https://championat.asia/image/logo-amp.png)
Fikrlar