Rasman: "Lokomotiv" Tojikiston termasi azosi bilan shartnoma tuzdi
23 dek 2022 16:20
Yangiliklar

Rasman: "Lokomotiv" Tojikiston termasi azosi bilan shartnoma tuzdi

Yangi mavsumda jiddiy maqsadlarni ko'zlayotgan "Lokomotiv" o'z safiga istedodli hujumchini qo'shib oldi.

Tojikiston milliy va olimpiya terma jamoasi azosi Rustam Soirov bugun klub bilan shartnoma imzoladi.

Malumot uchun, Rustam Soirov 2002 yil 12 sentyabrda Tojikiston poytaxti Dushanbeda tavallud topgan. Ampluasi – hujumchi.

U "Istiqlol" klubi tarbiyalanuvchisi hisoblanadi. U mazkur jamoa bilan Tojikiston chempioni, Kubok va Superkubok sohibi bo'lishdan tashqari Osiyo CHempionlar Ligasi hamda OFK Kubogida ham ishtirok etgan.

O'tgan yil Soirov Tojikiston Superligasida 15 ta gol urishga muvaffaq bo'lgan. Bungacha Estoniyaning "Levadiya" klubida faoliyat olib borgan. Endilikda esa "temiryo'lchilar" sharafini himoya qiladi.

Avvalroq "Eshitdik-da" rukni ostida "Loko" tojikistonlik hujumchi xizmatlariga qiziqish bildirayotgani haqida malum qilgan edik.

Havola :

Manba : lokomotiv.uz

Yangiliklarni Telegramda o'qing!

Reyting: +5