"Barselona"ga "Chelsi" forvardi kerak

Kataloniya klubida senegallikni yoshi katta Robert Levandovski uchun ehtimoliy o'rinbosar sifatida ko'rishmoqda. Polyak bu yozda 36 yoshga to'ldi.

Londonliklar Jeksonni 50 mln evroga baholamoqda. Biroq, "Barsa" katta transferdan qochmoqchi va ijara variantini muhokama qilishni maqul ko'radi.

24 yoshli hujumchi 2023 yilning yozida "Chelsi"ga o'tgandi. U 2024/25 yilgi mavsum "ko'klar" safida 37 ta o'yinda maydonga tushib, 13 ta gol urdi va 6 ta golli uzatmani amalga oshirdi. Jeksonning "Chelsi" bilan shartnomasi 2033 yilning iyun oyi oxirigacha amal qiladi.