PSJ yana o'sha bekatda to'xtadi
07 mar 2019 11:26
Yangiliklar

PSJ yana o'sha bekatda to'xtadi

Kecha ECHL nimchorak final doirasidagi javob o'yinlari bo'lib o'tdi.

Parijda PSJ "Manchester Yunayted"ni qabul qilgan bo'lsa, "Dragau"da "Portu" "Roma"ni mehmon qildi.

Dastlabki o'yinda Manchesterda ishonchli g'alaba qozongan PSJ, o'z uyidagi javob bellashuvida yana irodasizligini namoyish etdi. PSJ Parijdagi bahsda ikki to'p farqidagi ustunlikni MYUga boy berdi. SHu tariqa PSJ ketma-ket uchinchi mavsum ECHLda nimchorak finalda to'xtatilmoqda. Jamoa bunga qadar "Barselona" bilan to'qnashuvda 4:0 hisobidagi ustunlikni saqlab qololmagandi. O'tgan mavsum esa boshqa bir ispan klubi "Real" tomonidan musobaqadan chiqarib yuborilgandi. Joriy mavsumda PSJ Angliya grandi "Manchester Yunayted" bilan qarama-qarshilikda dastlabki o'yindagi ustunlikni saqlab qololmadi.

Paris Saint-Germain

Juan Bernat - 12'

Champions League Final Stage . 1/8-tur

07/03/2019, 01:00

Tugadi

Manchester United

Romelu Lukaku - 2', Romelu Lukaku - 30', Marcus Rashford - 90'

Stadion: Parc des Princes, 47441 tomoshabin

Bosh hakam: Damir Skomina

45'

90'

Match-senterda ochish

Parijliklar oxirgi 7 mavsumdan buyon ECHLda uzog'i chorak finalga qadar borishdi. Dastlab jamoa ketma-ket to'rt marotaba chorak finalga qadar borgan bo'lsa, so'nggi 3 mavsumdan buyon nimchorak finaldayoq to'xtashmoqda.

"Portu" esa dastlabki o'yinda Rimda "Roma"ga mag'lub bo'lganiga qaramasdan javob bellashuvida vaziyatni o'z foydasiga hal etdi. Jamoa so'nggi bor 2014/15 yilgi mavsumda chorak finalda o'ynagandi. Oxirgi uch mavsumdan buyon esa uzog'i guruhdan chiqib nimchorak finalda to'xtayotgandi.

Qayd etish kerakki, "Portu" jamoasi o'z tarixida ikki (1986/87, 2003/04) marotaba Evropa CHempionlar ligasida g'olib chiqqan.

"Manchester Yunayted" esa ECHLda uch bor (1967/68, 1998/99, 2007/08) g'oliblikni qo'lga kiritgan.

"Roma" bilan bo'lgan bahsda "Portu" dastlab birinchi o'yindagi tafovutni yo'qqa chiqardi va qo'shimcha taymlarda penalti evaziga chorak final chiptasiga egalik qildi.

FC Porto

Tiquinho Soares - 26', Moussa Marega - 52'

Champions League Final Stage . 1/8-tur

07/03/2019, 01:00

Finished AET

Roma

Daniele De Rossi - 37'

Stadion: Estadio do Dragao, 49029 tomoshabin

Bosh hakam: Cuneyt Cakir

45'

90'

120'

Match-senterda ochish

SHu tariqa kechagi o'yinlarda birinchi bahsda yutqazgan jamoalar yakunda chorak final masalasini hal etishdi.

Eslatib o'tamiz, kelasi haftada ECHL nimchorak final doirasidagi yana to'rtta o'yin o'tkaziladi. Unda "Bavariya" - "Liverpul" (0:0), "Manchester Siti" - "SHalke" (3:2), "Barselona" - "Lion" (0:0) va "Yuventus" - "Atletiko" (0:2) juftliklari chorak final chiptasi uchun kurashishadi.

Hozircha esa "Ayaks", "Tottenxem", "Manchester Yunayted" va "Portu" chorak finalga yo'l olishdi.

"Real", "Borussiya" Dortmund, PSJ va "Roma" jamoalari ECHLdagi ishtirokini nimchorak finaldayoq yakunlashdi.

Qiziq tarafi, ECHLning joriy mavsumidagi eng ko'p gol urgan (PSJ-20), eng ko'p darvozaga aniq zarba yo'llagan (PSJ-57), eng ko'p burchak zarbasini amalga oshirgan ("Real"-69) va eng ko'p aniq uzatmani ("Borussiya"-5231) amalga oshirgan jamoalar chorak finalga chiqa olishmadi.

Havola :

Manba : championat.asia

Yangiliklarni Telegramda o'qing!

Reyting: +18