Professional klublar musobaqasida 5 nafargacha futbolchini almashtirish mexanizmi ishga tushadi
22 apr 2021 10:36
Yangiliklar

Professional klublar musobaqasida 5 nafargacha futbolchini almashtirish mexanizmi ishga tushadi

Davom etayotgan O'zbekiston Coca-Cola kubogi musobaqasi guruh bosqichining 2-turidan etiboran ishtirokchi klublarga 5 nafargacha futbolchini almashtirish uchun ruxsat etiladi.

Bunda klublar 5 nafar futbolchini uch imkoniyatda maydonga tushirishlari mumkin. Tanaffus vaqtida amalga oshirilgan o'zgarish bundan mustasno. Mazkur qoida keyinroq Coca-Cola Superliga, Pro liga va ayollar chempionati uchrashuvlariga ham tadbiq etiladi.

Xabaringiz bor, Respublika Maxsus komissiyasi shu yilning 17 aprel kuni pandemiya sababli karantin talablarini kuchaytirdi. SHundan keyin O'FA Trenerlar kengashi mazkur masala yuzasidan yig'ilish o'tkazgan bo'lib, 5 nafar futbolchini almashtirish masalasini o'rinli deb topgan. Endilikda O'zPFL O'zbekiston futbol associaciyasi talabnomasidan kelib chiqib, yuqoridagi o'zgarish asosida musobaqalarni davom ettiradi.

Havola :

Manba : pfl.uz

Yangiliklarni Telegramda o'qing!

Reyting: +6