Prevyu. "Navbahor" - "Andijon"

Navbahor (Namangan) – Andijon (Andijon)
16 may. Kosonsoy. "Kosonsoy". 17:00
Hakamlar: H. Ro'ziev (Toshkent), T. Galeev (Urganch), S, SHoyusupov (Toshkent), R. Kopadze (Farg'ona)
Nazoratchi: D. Roman (Toshkent).

Vodiyning bu ikki klubi o'zaro 40 bor kuch sinashishgan. Natijalar “Navbahor”ning ustunligini ko'rsatmoqda. “Lochinlar” 21 o'yinda g'alaba qozonishgan, 12 uchrashuv durang bilan yakunlangan. “Andijon” hisobida 7 ta g'alaba bor. To'p kiritish borasida ham ustunlik “Navbahor” tomonida – 62:39. O'zaro o'ynlarda “Navbahor” 75, “Andijon” esa 33 ochkolik bo'lgan.

“Navbahor”ning “burgutlar” ustidan qozongan eng yirik g'alabasi – 5:0. “Andijon”ning eng yirik g'alabasi esa – 5:1 bo'lib turibdi.

O'tgan mavsumda “burgutlar” oliy ligada ishtirok etishmagan. 2012 yilgi ikkala bahsda ham namanganliklar g'olib chiqishgan. Kosonsoyda bo'lib o'tgan bahsda Alisher Mahmudov tomonidan 57-daqiqada kiritilgan to'p yagona bo'lib qolgan. “Sog'lom Avlod”dagi uchrashuvda ham bitta gol urilgan. Birinchi bo'limda Sobir Hamidov “burgutlar”ni ranjitgan – 0:1.

Navbahor uyida o'tgan so'nggi besh uchrashuv:
25.06.2012  Navbahor – Andijon  1:0
09.04.2011  Navbahor – Andijon  1:1
05.06.2010  Navbahor – Andijon  2:0
24.10.2009  Navbahor – Andijon  1:1
07.03.2008  Navbahor – Andijon  0:0

O'zaro o'yinlar haqida fakt:  “Navbahor” o'z tarixida bugunga qadar o'z uyida “Andijon”ga umuman mag'lub bo'lmagan – 20ta o'yinda 15ta g'alaba va 5 durang. Ammo takidlash lozimki 5ta durangdan 3 tasini “Andijon” oxirgi 5ta o'yinda qayd etgan.