"Paxtakor" - "So'g'diyona". Uchrashuv haqida malumotlar
21 okt 2016 11:48
Yangiliklar
![](https://championat.asia/upload/storage/225197_original.jpg)
![](/upload/storage/225197_220.jpg)
"Paxtakor" - "So'g'diyona". Uchrashuv haqida malumotlar
Har ikki jamoa o'tgan turdagi o'yinlaridan keyin mazkur uchrashuvga tayyorgarlik ko'rishni boshlab yuborgan. "Paxtakor"dan Jamshid Iskanderov diskvalifikaciya sababli maydonga tusha olmaydi. Yarim himoyachi keyingi bellashuvni ham o'tkazib yuboradi. Mehmonlar safida bunday yo'qotish yo'q.
Qarama-qarshilik
Hozirgacha oliy ligada jamoalar 41 bor to'qnash kelishgan. 33 o'yinda "Paxtakor", 4 bahsda "So'g'diyona" zafar quchgan. 4 uchrashuvda kuchlar teng kelgan. Jamoamiz 108 marta raqiblar darvozasini ishg'ol qilgan. Jizzaxliklar hisobida 35 gol mavjud. Toshkentdagi 20 o'yinning 18tasida "sherlar" g'olib chiqishgan. Bir martadan durang va mag'lubiyat kuzatilgan. Oxirgi marta "So'g'diyona" 1995 yil poytaxtda ochko olgan.
O'yin rasmiylari
Uchrashuvni Zokir Qodirov boshqaradi. U joriy mavsum jamoamizning ikki o'yinida ishladi. "Mashal"ni mag'lub etgan jamoamiz "Nasaf"ga imkoniyatni boy bergan.
"PAXTAKOR" - "SO'G'DIYONA"
Hakamlar: Zokir Qodirov (Navoiy), Ruslan Serazetdinov (Toshkent), Ravil SHoyaxmetov (Toshkent), Asker Najafaliev (Toshkent).
Nazoratchi: SHamil Jumaev (SHahrisabz).
PFL vakili: Farhod Magometov.
Yoshlar tarkiblari uchrashuvi 21 oktyabr, juma kuni Qibraydagi stadionda 15:00da boshlanadi. Asosiy jamoalar bahsi 22 oktyabr, shanba kuni "Paxtakor" stadionida 17:00da start oladi.
O’xshash yangiliklar
![AMP Logo](https://championat.asia/image/logo-amp.png)
Fikrlar