O'zbekistonlik o'yinchi to'p tepayotgan jamoa Turkiya 2-divizionida chempion bo'ldi

Jamoa chempionat yakunlanishiga 5 tur qolganda chempionlikni rasmiylashtirdi. Istanbulliklar 29-turda "Altay"ni o'z uylarida 4:1 hisobida mag'lub etishdi.

Qayd etish kerakki, "Eyupspor" tarkibida o'zbekistonlik Jahongir O'rozov o'ynaydi. Klub bosh murabbiyi esa Arda Turan hisoblanadi.

Jahongir O'rozov jamoaga o'tganidan so'ng faqatgina bir bor, aniqrog'i Kubok doirasidagi "Beshiktosh"ga qarshi bahsda 3 daqiqa harakat qildi.

Eslatib o'tamiz, turk klubi o'zbekistonlik futbolchi uchun "Bunyodkor"ga 300 ming evro to'lagan.