"Oq-tepa"ning kolumbiyalik futbolchisi Xuan Beserra bilan intervyu

- Xuan futbolga qanday kirib kelganingiz haqida biroz so'zlab bering.
- Futbol o'ynashni 9 yoshimda Kolumbiyaning "Santafe" jamoasida boshlaganman.

- Futbolga kirib kelishingizga kim sababchi bo'lgan otangiz yoki onangiz?
- Hech kim sababchi bo'lmagan. O'zim futbol uynashni sevaman, aksincha otam futbol o'ynashimga qarshi bulgan. Ammo otamning do'stlari mening uyinimni ko'rib, uni futbolchi bo'lishimga ko'ndirishgan.

- O'zbekistonga kelishingizdan oldin bizning yurtimiz haqida nimalarni bilar edingiz?
- Afsuski, bu erga kelishimdan oldin yurtingiz xaqida hech narsani bilmas edim.

- Rivaldo O'zbekistonda o'ynaganidan xabaringiz bormi?
- Yo'q, bundan xabarim yo'q.

- “Oq-tepa” klubiga o'tishingiz qanday sodir bo'ldi?
- Boshida Ispaniya klubiga o'tayotgan edim. Ammo pandemik holat tufayli hujjatlarni rasmiylashtira olmadik. SHu payt agentim O'zbekistonda bulib turgan edi va menga “Oq-tepa” klubidan taklif bo'layotgananini menga ayti va men rozi buldim.

- O'zbekistonda o'ynayotganingizga deyarli 5 oy bo'ldi. O'zbekiston va o'zbek futboli xaqida taassurotlaringiz?
- O'zbekiston juda ham o'zgacha ekan. CHunki men kolumbiyalik man. Toshkent menga juda yoqdi.

- Kolumbiya va O'zbekiston futboli orasida qanday farq bor?
- Kolumbiyalik futbolchilarda dribling kuchli, o'yinni o'ziga oladigan futbolchilar bor. O'zbekistonda esa qisqa paslar ko'p. Ammo Pro Ligada driblingi kuchli ikkita futbolchini ko'rdim. Ulardan biri bizning jamoadagi Islombek Karimov va ikkinchisi "Olimpik"ning 9-raqamli futbolchisi (Temur Mamasidiqov).

- Sizga qaysi o'zbek milliy taomlari yoqdi?
- Osh va somsa juda ham mazali ekan.

- O'zbekistonga kelishingizdan oldin qaysi jamolarda o'ynagansiz. Boisi bu haqida malumot topa olmadik?
- SHvecariyaning "Lucern" U-21 jamoasida o'ynadim. So'ngra Kolumbiyaning Oliy ligasida va Braziliyaning "Votuporanguense" jamoasida to'p tepdim.

- Jamoangizizda kim bilan yaxshi kelishasiz?
- Jamoada Gilerme bilan yaxshi kelishaman. CHunki u faqat portugal tilida gapiradi. Men esa portugal tilini Braziliyada o'ynaganimda o'rgangan edim. Gilerme boshqa tillarni bilmagani uchun unga men tarjima qilib turaman.

- Sizda til bilan bog'liq muammo bormi?
- Biz jamoada futbol tilida gaplashamiz. Hamda jamoadoshlarim 1-2ta inglizcha so'zlarni bilishadi va men ham kerakli ruscha so'zlarni o'rganib oldim.

- Xozirgi kunda Pro ligada tanaffus. Tanaffus vaqtida nimalar bilan shug'ulanayapsiz?
- Hozirgi kunda vaqtdan unumli foydalangan holda o'z ustimda ishlayapman va dam olmoqdaman.

- Sizga boshqa jamoalardan taklif bo'lyaptimi?
- Rasmiy taklif bo'lmadi, ammo qiziqishlar bo'ldi.

- Aynan qaysi jamoalardan qiziqishlar bo'ldi?
- "Turon", "Lokomotiv", "Metallurg" va AGMK jamoalaridan qiziqishlar bo'ldi. 

Uchqun Azimov suhbatlashdi