Oliy liga. 14-tur ramziy terma jamoasi

Darvozani "Lokomotiv" posboni Ignatiy Nesterovga ishonib topshirdik. "Dinamo" bilan o'yinda Nesterov bir qator vaziyatlarda jamoasini muqarrar gollardan saqlab qolishga erishdi.

O'sha o'yinda "temiryo'lchilar" o'ng qanot himoyachisi SHuhrat Muhammadiev ham faol o'ynadi. Hujumlarga o'tishda ham himoyalanishda ham Muhammadiev yaxshi harakat qildi.

"Buxoro" o'z tarixida ilk bor "Bunyodkor"ni mag'lub etdi. Mazkur uchrashuvda mezbonlar safida himoyachi Artyom Filiposyan birinchi gol urilishida katta xissa qo'shdi, bundan tashqari raqib hujumchilariga deyarli imkoniyat bergani yo'q. Hujumchi Ivan Nagaev esa yaxshi formada ekanligini chiroyli gol urib isbotlab qo'ydi.

"Paxtakor" markaziy o'yinda "Nasaf"dan ustun keldi. Bu o'yinda mezbonlar himoyachisi Xojiakbar Alijonov o'zini yaxshi tomonlama ko'rsatdi. Yarim himoyachi SHerzod Karimov esa Sergeevga golli pas oshirdi hamda o'zi gol urishga erishdi.

"Navbahor" Namanganda "Olmaliq" bilan durang qayd etdi. SHu kuni yarim himoyachi Azizbek Turg'unboev maydondagi eng faollardan biri bo'ldi.

"Qo'qon-1912" o'z maydonida "So'g'diyona"ni taslim qildi. Yarim himoyachi Suhrob Berdiev doimgidek chaqqon harakatlari bilan raqiblarni shoshirib qo'ydi. Bunga qo'shimcha ravishda o'z hisobiga gol ham yozib qo'ydi.

"Metallurg" Bekobodda "Qizilqum"dan ustun keldi. Uchrashuvda maydon egalari safida Alisher Ziyovutdinov o'zini yaxshi sifatlarini ko'rsatib ramziy terma jamoadan o'rin oldi.

"SHo'rtan" bu turda "Obod"ni qabul qilib 2:0 hisobida zafar quchdi. Jamoa sardori Igor Taran gol urdi va maydonda juda faol harakat qildi.

Farg'onaning "Neftchi" klubi "Mashal" mehmoni bo'lib 2:2 hisobida durang o'ynab qaytdi. Uchrashuvda vodiy klubi safida Mo'ydin Mamazulumov ketma-ket ikkinchi tur gol urishga erishdi.

championat.asia sayti talqiniga ko'ra 14-turning ramziy terma jamoasi:

Darvozabon
Ignatiy Nesterov "Lokomotiv"

Himoyachilar
SHuhrat Muhammadiev "Lokomotiv"
Artyom Filiposyan "Buxoro"
Xojiakbar Alijonov "Paxtakor"

Yarim himoyachilar
Azizbek Turg'unboev "Navbahor" (2-marta ramziy terma jamoada)
Suhrob Berdiev "Qo'qon-1912" (2)
Alisher Ziyovutdinov "Metallurg" (2)
SHerzod Karimov "Paxtakor" (3)

Hujumchilar
Ivan Nagaev "Buxoro" (3)
Igor Taran "SHo'rtan" (2)
Mo'ydin Mamazulumov "Neftchi" (2)