Namangan viloyati hokimi "Navbahor" klubiga yangi prezidentni tayinladi
02 mar 2021 21:19
Yangiliklar
![](https://championat.asia/upload/storage/622893_original.jpg)
![](/upload/storage/622893_220.jpg)
Namangan viloyati hokimi "Navbahor" klubiga yangi prezidentni tayinladi
Unda Namangan viloyat hokimi, viloyat futbol associaciyasi prezidenti SHavkat SHokirjanovich Abdurazzoqov, Namangan shahar hokimi G'ofurjon Orifjonovich Jamalov, “Navbahor” PFK va “Markaziy” o'yingoh rahbariyati, xodimlari, “Navbahor” jamoasi murabbiylar shtabi, “Navbahor” fan-klubi, shuningdek, jamoaning faxriy, ashaddiy, sadoqatli hamda fidoyi muxlislari ishtirok etishdi.
Yig'ilishda Namangan viloyat hokimi, viloyat futbol associaciyasi prezidenti SHavkat Abdurazzoqov yig'ilganlarni tez kunlar ichida start oladigan yangi – 2021 yilgi futbol mavsumi bilan tabriklab, bo'lajak mavsumda “Navbahor”ga omad yor bo'lishini tiladi.
SHundan so'ng, SHavkat SHokirjanovich “Navbahor” klubi strukturasi o'zgarishini aytib, shu kungacha klubda vice-prezident lavozimida faoliyat olib borgan Otabek Arifovich Samatovni klub prezidenti etib tayinladi. Viloyatimiz rahbari ushbu qarorini Otabek Samatovning sobiq futbolchi bo'lganligi, futbolni teran tushunishi bilan izohladi.
SHuningdek, shu kungacha “Odil Junior” futbol maktabida faoliyat yuritayotgan Akmal Sohibov ham “Navbahor” PFKda ish boshlaydigan bo'ldi.
Viloyat hokimi SHavkat Abdurazzoqov shuningdek, “Navbahor” klubi uchun yangi, zamonviy avtobus xarid qilinganligi va avtobus tez kunlar ichida Namanganga etib kelishi, muxlislar yangi mavsumda jamoani munosib tarzda qo'llab-quvvatlab turishlari lozimligini takidladi.
Yig'ilish davomida muxlislar SHavkat Abdurazzoqovga o'zlarini qiziqtirgan savollar bilan murojaat qilishdi, o'z takliflarini bildirishdi.
Viloyatimiz rahbari muxlislarning savollariga javob bergan holda, takliflarning o'rganib chiqilishini aytib o'tdi.
“Navbahor” bosh murabbiyi No'mon Hasanov yangi mavsumda jamoa hujumkor o'yin namoyish etishi, maqsad har bir o'yinda g'alaba qozonish ekanligini takidlab o'tdi.
Yig'ilish so'nggida faxriy muxlislar yangi mavsumda “Navbahor”ga omad yor bo'lishi, jamoa sovrindorlar safidan o'rin olishi tilagan holda, duo qilishdi.
“Navbahor” PFK matbuot xizmati.
O’xshash yangiliklar
![AMP Logo](https://championat.asia/image/logo-amp.png)
Fikrlar