MYU – "Kristal Pelas" bahsi oldidan Myunxendagi fojiada halok bo'lganlar xotirasi yod olinadi
04 fev 2023 17:58
Yangiliklar

MYU – "Kristal Pelas" bahsi oldidan Myunxendagi fojiada halok bo'lganlar xotirasi yod olinadi

Bugungi o'yin boshlanishidan oldin Erik ten Hag va Mark Skinner Myunxendagi halokatda vafot etganlar xotirasiga "Old Trafford"da motam gulchambarlarini qo'yadi.

Futbolchilar maydonga motam bog'ichlarida tushadi va o'yindan oldin bir daqiqalik sukut elon qilinadi.

SHuningdek, bugun "Old Trafford"da Myunxen aeroportidagi fojia vaqtida halok bo'lgan yoki jarohatlangan futbolchilar va klub xodimlarining oila azolari bo'ladi.

Stadiondagi bayroqlar pastga tushiriladi va jamoalar maydonga chiqib kelayotganda "The Flowers of Manchester" qo'shig'i yangraydi. Tribunadagi muxlislar "Basbi bolalari" va "We’ll never die" ("Biz hech qachon o'lmaymiz") iborasi aks etgan ananaviy bannerni ochib qo'yadi.

Eslatib o'tamiz, Myunxendagi aviahalokat 1958 yil 6 fevralda ro'y bergan. Unda 23 kishi vafot etib, 19 kishi jabrlangan.

Havola :

Manba : Manchester Evening News

Yangiliklarni Telegramda o'qing!

Reyting: +2