"Mixed zone". Begenchmurat Muradov: "Maydonda Turkmaniston xalqi uchun o'ynadik"

Qatar bilan 2:2 hisobida durang o'ynagan Turkmaniston 4 ochko bilan ikkinchi o'rin bilan birga keyingi bosqich yo'llanmasini qo'lga kiritdi. 

Qo'shnilarimizning ikki goliga mualliflik qilgan Begenchmurat Muradov uchrashuvdan so'ng mikst-zonada fikrlari bilan o'rtoqlashdi.

"Maydonda Turkmaniston xalqi, muxlislari uchun to'p tepdik. Ular baxtimizga sog'-salomat bo'lishsin. Guruhdan chiqish vazifasi o'zimizga bog'liq edi. 0:2dan so'ng barchasini boshidan boshladik. Eron bilan o'yinda ham, bugun ham hisobda ortda borayotib vaziyatni o'nglay oldik. Demak bu tasodif emas.

Avstraliya? Biz ham qarab turmaymiz. Musobaqada endi bizni bilishadi. Xudo xohlasa oxirigacha kurashamiz",- deydi Muradov.