“Milan” sobiq himoyachisi Istanbuldagi finalni eslab: “Bu dahshat edi”

“Rossonerilar” ilk taymdan keyin raqiblari ustidan 3:0 hisobida zafar quchishayotgandi, ammo “qizillar” tanaffusdan keyin hech kim kutmagan holda muvozanatni tiklashgan va bahsni penaltilar seriyasigacha olib borib, titul sohibiga aylanishgan edi.

“Bu dahshat edi. 1999 yil “Manchester Yunayted” tarkibida treblga erishganman, ammo odamlar mendan bu haqda emas, “Liverpul”ga qarshi o'yinning tanaffusi vaqtida nima bo'lganini so'rashadi. Yillar davomida turli xil hikoyalar paydo bo'ldi, lekin ularning bari yolg'on. Karlo Anchelotti bizga shunday ruhda davom etishimiz kerakligini aytgan. Biroq, biz 6 daqiqada 3ta gol o'tkazib yubordik va bundan qutila olmadik”, deb eslaydi Stam.