"Milan" sardori "Roma"ni standartlar bo'yicha Italiyaning eng yaxshi jamoasi deb hisoblaydi

"Rossoneri" 87-daqiqagacha hisobda ishonchli tarzda (2:0) oldinda borayotgandi, keyin esa ikkita gol o'tkazib yubordi.

"Biz o'yinda g'alaba qozonamiz deb o'ylagandik, ammo g'alaba qozona olmadik va ochig'ini aytsam, bunday yaxshi o'yindan keyin ochko yo'qotishni qabul qilib bo'lmaydi. 

O'ylaymanki, "Roma" bizga muammo keltirishining yagona yo'li – bu standartlar. Ular standart holatlar bo'yicha A Seriyaning eng yaxshi jamoasi. 

Biz bunga yo'l qo'ymasligimiz kerak edi, ahmoqlik qildik. Bunday o'yin bizni g'azablantirishi kerak, chunki so'nggi daqiqalarda yaxshiroq o'ynashimiz kerak edi", – dedi Kalabriya.

"Milan" hisobida 37 ochko bor va musobaqa jadvalida 3-o'rinda bormoqda. "Roma" 31 ochko bilan 6-o'rinda ketyapti.