"Metallurg" kuzdagi uy o'yinlarini o'z stadionida o'tkazmaydi
02 fev 2023 12:48
Yangiliklar

"Metallurg" kuzdagi uy o'yinlarini o'z stadionida o'tkazmaydi

Bekobodning "Metallurg" futbol klubi stadionida drenaj va sug'orish tizimini zamonaviy ko'rinishga keltirish, maydon maysasini to'liq yangilash ishlari shu yilning sentyabr oyida boshlanadi.

Klub kuzning uch oyidagi uy o'yinlarini boshqa stadionda o'tkazadi. Liga bu borada "O'zmetkombinat" AJ kafolatini qabul qilib oldi.

2024 yilgi mavsumdan boshlab Bekoboddagi futbol stadioni maysasi talab darajasida bo'ladi. Stadion projektorlari lyuksini ko'tarish ishlari esa shu yilning 20 fevral sanasiga qadar yakunlanadi. 2022 yilgi mavsum yakuniga ko'ra yoritkichlar 1000 lyuksni tashkil qilayotgandi. Xarid qilingan texnika bilan 20 kun ichida stadion projektorlari lyuksi 2000 lyuksga olib chiqilishi rejalashtirilgan.

(Surat 7 noyabr kungi "Metallurg" — "Navbahor" (0:1) uchrashuvida olingan)

Liga stadionlar masalasida reja asosida ish olib bormoqda. 2023 yilgi mavsum starti 4 ta stadion: "Jar", "Bunyodkor", "Lokomotiv", "Istiqlol" U-20 Osiyo chempionatiga jalb qilingani, 3 ta stadion: "So'g'diyona", OKMK, "Bobur Arena" maysasini yangilayotganidan kelib chiqib, qator mushkulliklar keltirib chiqaradi. SHunga qaramay, Superligani 3 mart sanasidan boshlash rejasi o'zgarmagan.

Havola :

Manba : pfl.uz

Yangiliklarni Telegramda o'qing!

Reyting: +4