"Manchester Yunayted" Kavani bilan shartnoma uzaytirilganligini malum qildi

Mankunianliklar bosh murabbiyi Ole-Gunnar Sulsher hujumchi bilan shartnomaning uzaytirilganligi haqida shunday dedi: "Edinson jamoaga qo'shilganida futbolchilarga u bizga qo'shimcha kuch, etakchilik berishini aytgandim. O'shanda xato qilmaganman. U qo'lidan kelganini ortig'i bilan bajarmoqda.

Murabbiylar shtabi uning goleadorlik hususiyatidan foydalanishni yaxshi bilib turgandi. Unda g'oliblik mentaliteti bor va o'z ishiga sidqidildan yondashadi. Uning MYUda qolishini va muxlislarimiz qarshisida o'ynashini istayman. Umid qilamanki, unga bu nasib qiladi", - dedi Sulsher.

Urugvaylik forvard ushbu mavsumda APLning 23 o'yinida qatnashib, 9 gol va 2 assist qayd etdi.