Koronavirusning ilk alomatlari qanday? “Fiorentina” futbolchisi javob berdi

U kasallik alomatlari haqida instagram'dagi sahifasi orqali gapirib berdi. 

“Ertalab uyg'onganimda, isitmam bor edi, butun tanamni ter bosgandi. Haroratimni o'lchasam 37 darajani ko'rsatdi. Dorilarni qabul qilib, tezda klubga qo'ng'iroq qildim. Isitmam 39 darajaga ko'tarilib, holatim yomonlashganidan keyin esa shifoxonaga murojaat qildim. Biroq, men barchasi bunday yomon bo'ladi deb kutmagandim. Hozir esa bari joyida va dam olmoqdaman. Hozir men qila oladigan yagona ish ham shu, 14 kundan keyin esa barchasi o'z holiga qaytadi. Jamoadoshlarim bilan ko'rishganim yo'q, o'ylaymanki, ularda hammasi yaxshi”, deydi Vlaxovich. 

Eslatib o'tamiz, “Fiorentina”da Vlaxovich bilan birga Patrik Kutrone va Xerman Peccelyalarning koronavirusga topshirgan testlari ijobiy chiqqandi. Hozirda ularning ahvoli yaxshiligi aytilmoqda.