Igor Sergeev: "Urugvayni “ikkinchi” tarkib deb ajratish noto'g'ri”

"Uzoq vaqt uchib keldik. Masofa katta va parvoz oson o'tmadi. Eng muhimi etib keldik va joylashib oldik. Birinchi mashg'ulotni ham o'tkazib oldik. Endi Urugvayga qarshi o'yinga tayyorgarlik ko'rishni boshlaymiz.

Urugvayning asosiy tarkibi yoki “ikkinchi” tarkib deb ajratish noto'g'ri nazarimda. Urugvay yoshlari ham juda yuqori darajadagi futbolchilar. Birinchi navbatda o'zimiz yaxshi tayyorlanishimiz kerak. Video tahlillarni ko'rib chiqishimiz va o'yinga to'g'ri yondashish. Urugvayning o'yinini to'liq tomosha qilmadim. Gol urilgan vaziyatlarni va hujumlarini ko'rib chiqdim. Umumiy xulosaga egamiz va albatta ertaga yanada chuqurroq o'rganamiz. Ikkinchi tarkibda ishtiyoq va motivaciya ko'proq bo'lishi ham mumkin. Sababi yoshlar asosiy tarkibdan joy olishga va murabbiylarga o'zini ko'rsatishga harakat qiladi.

Havo biroz issiq, namlik yuqori. Men Tailand chempionatida o'ynaganman va ushbu mintaqa iqlimi menga tanish. Ayni damdagi ob-havo yaxshi hisoblanadi. Bundan-da issiqroq ob-havo ham bo'ladi. Menga o'rganib bo'lganman, qolgan yigitlarga ob-havo qanday tasir qiladi, bilmadim", — dedi hujumchi.