"Inter" murabbiyi: "11 mag'lubiyat - juda ko'p. Birinchi davrada bizga Lukaku etishmadi"
14 may 2023 12:12
Yangiliklar

"Inter" murabbiyi: "11 mag'lubiyat - juda ko'p. Birinchi davrada bizga Lukaku etishmadi"

"Inter" murabbiyi Massimiliano Farris A Seriya doirasida "Sassuolo" ustidan qozonilgan g'alabadan keyingi fikrlarini bildirdi.

Jamoa bosh murabbiyi Simone Inzagi ovozi bilan muammosi bo'lgani uchun matbuot anjumanida ishtirok qila olmadi.

"Mavsumning birinchi qismida bizda Lukaku etishmadi. Hozir esa SHkrinyarning o'rni bilinmoqda, balki, bu sizlarga normal holat bo'lishi ham mumkin. Tarkibdagi Aslani va Bellanova kabi futbolchilarning o'zini ko'rsatishi uchun bizga vaqt kerakligini yaxshigina bilib turibmiz, ammo hozirdanoq ular bizga kerak bo'lmoqda.
Mavsumda 11 bora mag'lub bo'ldik - bu juda ko'p, ammo boshqa turnirlar orqali bu mag'lubiyatlarni biroz yumshata oldik. Inzagi bilan har kuni gaplashamiz, birgalikda qiyin vaziyatlardan o'tdik. Doimo bir-birimizni qo'llab-quvvatlaymiz", - dedi Farris.

Havola :

Manba : twitter.com/gianlucadimarzio

Yangiliklarni Telegramda o'qing!

Reyting: +1