Haysam Abbos: "Biz uchun O'zbekistonga qarshi o'yin eng qiyini bo'ldi"

“Bizning futzalchilarimiz ancha charchashgandi. Yuklamalar juda ham ko'payib ketdi. Bundan tashqari jarohat olgan futzalchilarimiz ham bor edi. SHu bois yutqazdik”, - deydi murabbiy.

- Osiyo chempionati tashkilotchiligi haqida nima deya olasiz?
- Musobaqaning tashkilotchilik darajasi juda yuqori darajada bo'ldi. Barchaga minnatdorchilik bildiraman. O'zbek xalqining mehmondo'stligi, o'yinlarga kelgan muxlislarning qo'llab-quvvatlashi barchasi ajoyib bo'ldi. Mamlakatingizga katta rahmat aytaman.

- Kechagi mag'lubiyatdan so'ng o'yinchilarni ruhan tiklash qanchalik qiyin kechdi?
- Yo'q ularning ruhiy tayyorgarligi joyida edi. Bugun faqatgina jismoniy tayyorgarlik borasida farq ko'zga tashlanib qoldi.

- Musobaqada Iroq uchun qaysi o'yin eng qiyini bo'ldi?
- O'zbekistonga qarshi chorak finaldagi bahs.

- Iroq ikkinchi bor chorak finalga chiqdi. Bu haqda qanday fikrdasiz?
- Biz musobaqaning kuchli 8 jamoasi orasiga kirdik. Bu Iroqda futzal rivojlanayotganidan dalolat beradi.