Futzal. Falkao faoliyatini tugatdi

Ikki karra Jahon chempioni hisoblangan 39 yoshli futzalchi Kolumbiyada bo'lib o'tayotgan mundialning nimchorak finalida Erondan uchralgan mag'lubiyatdan so'ng ushbu qarorga kelgan.

Falkao Kolumbiyada jami 10ta to'p kiritdi va Jahon chempionatlarining eng yaxshi to'purariga aylandi. Uning mundiallardagi gollari soni 48taga etdi. Avvalgi rekord boshqa bir braziliyalik futzalchi Manoel Tobiasga tegishli edi. Tobias 43ta gol urgan.

"Men faoliyatimni xet-trik bilan tugatayotganimdan hursandman, lekin bu gollar hech narsani anglatmaydi, shunchaki rekordimni oshiradi xolos. Ushbu gollarimni bajonidil Jahon kubogiga almashgan bo'lardim", - deydi Falkao FIFA rasmiy saytiga bergan intervyusida.

Faoliyatidagi so'nggi uchrashuvdan keyin Braziliyani to'xtatib qolgan Eron terma jamoasi azolari Falkaoni olqishlab, huddi g'oliblar singari osmonga otishdi.