Desham Benzemani kechirmaydi

"Real" forvardi 2015 yilning noyabrida Mate Valbuena bilan sodir bo'lgan mojarodan keyin terma jamoadan chaqiruv olmay qo'ygan. O'shanda u sobiq jamoadoshini intim videolavha bilan "shantaj" qilishda ayblangan edi. Benzemaning o'zi esa Desham uni irqchilik sababli terma jamoaga jalb qilmasligini aytgan.

— Bu voqeani unutish qiyin, — Deshamning so'zlarini keltiradi "Football Espana". — Vaqt o'tishi bilan bazilar unutishi mumkin, ammo mening esimda qoladi.

Tarkib tanlash, taktika va texnik jihatlar haqida gap ketsa, murabbiyning tanqidga uchrashi odatiy hol. Ammo u chegarani buzdi. Bu men va oilamga tasir qildigan nomaqbul holatdir. Uning so'zlari og'zaki va jismoniy tajovuzga olib kelishi mumkin. Buni hech qachon unutmayman.