"Nasaf" haqoratli so'zlar ishlatgan matbuot xodimi vakilini ishdan bo'shatdi va jamoatchilikdan uzr so'radi
07 iyu 15:35
Yangiliklar


"Nasaf" haqoratli so'zlar ishlatgan matbuot xodimi vakilini ishdan bo'shatdi va jamoatchilikdan uzr so'radi
"Ayni vaqtda mehnat tatilida bo'lgan matbuot xizmati xodimi Sarvar Bobonazarov mazkur uchrashuvda na bevosita, na bilvosita ishtirok etgan va xizmat vazifasini bajargan. Biroq u o'zining X (sobiq Twitter) ijtimoiy tarmog'idagi sahifasida kechagi uchrashuv yuzasidan "Andijon" hamda "Dinamo" jamoalari muxlislari shaniga nisbatan nomaqbul ifodalarni ishlatgan.
Takidlash lozimki, mazkur shaxsiy fikrlar "Nasaf" futbol klubi poziciyasini aks ettirmaydi va klub har qanday ko'rinishdagi haqorat va kamsitishlarni qoralaydi. Ushbu holat yuzasidan tanqidiy yig'ilish o'tkazilib, tushuntirish ishlari olib borildi va klub odob-axloq qoidalarini qo'pol ravishda buzganligi sababli Sarvar Bobonazarov bilan tuzilgan mehnat shartnomasi bekor qilindi.
"Nasaf" futbol klubi har doim barcha o'zbek klublariga, shu jumladan, Samarqand va Andijon jamoalari vakillari va muxlislariga nisbatan chuqur hurmat va do'stona munosabatda bo'lib kelgan hamda bu tamoyilga qatiy amal qilishda davom etadi.
Yuzaga kelgan noqulay vaziyat uchun jamoatchilikdan uzr so'raymiz", – deyiladi bayonotda.
Avvalroq "Dinamo" va "Andijon" klublari voqea yuzasidan bayonot elon qilgan edi.
O’xshash yangiliklar

Fikrlar
PFL Superliga musobaqasini tashkil qiladi va muvofiqlashtiradi. VAR tizimining amaliyotga tatbiq etilishi va o'yinlarda qo'llanilishi bo'yicha reglamentlar ham PFL tomonidan ishlab chiqiladi va nazorat qilinadi.
Shuningdek, Oʻzbekiston Futbol Assotsiatsiyasi (OʻFA) ham VAR tizimini joriy etishda va FIFA talablariga mos ravishda uni ishlatishda muhim rol o'ynaydi, chunki hakamlar va VAR operatorlarining tayyorlanishi, sertifikatlanishi va o'yinlarga tayinlanishi O'FA huzuridagi Hakamlar qo'mitasi tomonidan amalga oshiriladi.
Demak, VAR tizimining Superligada ishlashi PFL va OʻFAning hamkorlikdagi mas'uliyatidir.