Bugun futbol. "So'g'diyona" - "Paxtakor"

Jizzaxdagi markaziy stadionda "So'g'diyona" va "Paxtakor" o'zaro bahs olib boradi. Bu o'yinga qanday tarif berish mumkin? Turnir jadvalining yuqori o'rinlarida borayotgan jamoalar to'qnashuvi, bir xil ochko to'plagan jamoalar qarama-qarshiligi, chempionlik uchun kurashayotgan jamoalar o'yini va hokazo. 

Turnir jadvalida har ikki jamoa bir xil 26 ochkodan to'plab, ketma-ket o'rinlarni egallab turibdi. "Paxtakor" 13 uchrashuvning 7tasida g'alaba qozonib, 5 bor durang o'ynagan va bir marta mag'lub bo'ldi. To'plar nisbati 19-9.

"So'g'diyona" hisobida esa 13 uchrashuvdan so'ng 8 g'alaba, 2 durang va 3ta mag'lubiyat bor bo'lib, to'plar nisbati 21-13. 

Bu jizzaxliklarning uydagi 8-uchrashuvi bo'ladi. "So'g'diyona" shu paytgacha uyda o'tkazilgan 7ta o'yindan to'rttasida zafar quchib, bir marta durang qayd etgan va ikki uchrashuvda mag'lub bo'lgan.  

"So'g'diyona" uyda:

"Dinamo" - g'alaba, 1:0

"Olimpik" - durang, 1:1

"Metallurg" - g'alaba, 2:0 

"Nasaf" - mag'lubiyat, 1:2

"Qo'qon-1912" - g'alaba, 3:0

"Qizilqum" - mag'lubiyat, 0:3

"Bunyodkor" - g'alaba, 2:0

Bilasizmi? "So'g'diyona" oxirgi uch turda ikki bor g'alaba qozonib, bitta o'yinda imkoniyatni boy berdi. 

"Paxtakor" haqida to'xtaladigan bo'lsak, bugun "sherlar" safardagi 8-bahsda maydonga tushadi. Jamoa bungacha 7ta o'yinning 4tasida g'alaba qozonib, 3 bor durang qayd etgan. "Paxtakor" safarda hali mag'lub bo'lgani yo'q. 

"Paxtakor" safarda:

"Dinamo" - g'alaba, 2:0

"Olimpik" - durang, 1:1

"Metallurg" - g'alaba, 2:0

"Nasaf" - durang, 0:0

"Qo'qon-1912" - durang, 1:1

"Lokomotiv" - g'alaba, 2:0

"Qizilqum" - g'alaba, 2:0

Fakt: "Paxtakor" safardagi oxirgi ikkita g'alabasini bir xil 2:0 hisobi bilan yakunlagan.